900 самаһы китапхана компьютерҙар менән тәьмин ителәсәк

Әлфиә Әһлиуллина

— Мәғлүмәт йәмғиәтен үҫтереү стратегияһын ғәмәлгә ашырыу сиктәрендә Рәсәй Федерацияһы һәм Башҡортостан Республикаһы Президенттары 2012 йылдың 1 июленә тиклем китапханаларҙы 100 процент компьютерлаштырырға һәм уларҙы интернет селтәренә тоташтырыуҙы тәьмин итергә ҡушты. 2011 йылда беҙҙең бурыс — 880 муниципаль китапхананы компьютерҙар менән тәьмин итеү һәм уларҙы интернетҡа тоташтырыу, — тине БР мәҙәниәт министры Асҡар Абдразаҡов ведомствоның Өфө Конгресс-холында үткәрелгән киңәйтелгән коллегияһында.

Министр китапхана белгестәренә өҫтәмә белем биреү кәрәклеген билдәләп үтте. Мәҫәлән, «Компьютерный практикум» журналының социаль проекты сиктәрендә, БР Мәҙәниәт министрлығы апрелдән китапхана хеҙмәткәрҙәрен компьютерҙа эшләүгә бушлай дистанцион уҡытыуға тотонорға планлаштыра.

— 2010 йылда республикала китапханаларға 24 млн тапҡыр килеү теркәлгән. Китапханалар иҫәбе, фондтарҙың ҙурлығы, уҡыусылар һәм китапханаға йөрөүҙәр һаны буйынса Башҡортостан Рәсәйҙә тотороҡло рәүештә беренсе урынды биләй, — тине министр.

Шуға ҡарамаҫтан, республикала компьютерҙары булған китапханалар 25 процент ҡына тәшкил итә. Мәғлүмәтләштереү процесы моделле китапханалар ойоштороу арҡаһында үҫешә. 2010 йылда уларҙың иҫәбе 34 берәмеккә артты һәм 83-кә етте. 2011 йылға тағы 60 моделле китапхана булдырыу планлаштырылған. Уларҙың һаны буйынса Башҡортостан Рәсәйҙә өсөнсө урынды биләй, беренсе урында Сыуаш Республикаһы (бөтә 500 ауыл китапханаһы ла моделле), икенсе урында – Белгород өлкәһе (116).

— Моделле китапханалары булмаған муниципаль берәмектәрҙең был проектҡа әүҙемерәк ҡушылыуҙарын үтенәбеҙ, — тине министр.

#коллегия #китапханалар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.