Башҡортостан һәм Өфө яңылыҡтары
61.77
0
64.99
0
85.79
-1.09
-13 °C
Ҡар
Бөтә яңылыҡтар
Йәмғиәт
2 Март 2011, 13:18

Шаран районында урындағы телевидение эшләй башлаясаҡ

Кесаҙна, 3 мартта, Шаран районы тарихында тәүге тапҡыр урындағы телевидениеның тапшырыуы эфирға сығасаҡ. Уны төбәктең БЮТ каналы ышаныслы тотҡан бөтөн тораҡ пункттарында ла ҡарай аласаҡтар. «Шаран телевидениеһы» яуаплылығы сикләнгән йәмғиәте журналистары райондың төрлө тораҡ пункттарында предприятиелар, ауылдарҙа йәшәгән, уҡыған, эшләгән кешеләр тураһында сюжеттар блогы төшөргән. Сигнал тапшырыу өсөн Шаран ауылындағы телевышкала махсус ҡорамал урынлаштырылған.
Район хакимиәтенән хәбәр итеүҙәренсә, тәүге осорҙа телетапшырыуҙар аҙнаһына бер тапҡыр сығарыласаҡ. Әлеге ваҡытта икенсе эфир – «Диалог» программаһы әҙерләнә.
Автор:Рәил Мусин
Читайте нас в