Октябрьскийҙа йылдың иң яҡшы уҡытыусылары исемдәре аталды

Октябрьский ҡалаһының Балалар һәм үҫмерҙәр ижад һарайында «Йыл уҡытыусыһы-2011» конкурсы финалы үтте. Ярыштарҙың йомғаҡлау этабына ҡаланы һигеҙ педагогы сыҡты. Профессиональ оҫталыҡ конкурсы еңеүсеһе 13-сө урта мәктәптән Елена Колбасова булды. Икенсе урынды ике педагог – 11-се татар гимназияһынан Оксана Колесникова менән Балалар һәм үҫмерҙәр ижад һарайынан Ольга Казанцева, өсөнсө урынды 10-сы урта мәктәптән Зинаида Поварова яуланы.

Был конкурс инде 21-се тапҡыр үткәрелә. Ул «Мәғариф» милли проекты сиктәрендә ижади эшләүсе педагогтарҙы асыҡлау, яҡлау һәм дәртләндереү, уҡытыусы хеҙмәте абруйын күтәреү, ҡаланың иң яҡшы уҡытыусыларының тәжрибәһен таратыу маҡсатында үткәрелде, тип хәбәр итә «Октябрьский нефтяник» гәзите.