БДМУ «Сәләмәт йәшәү рәүеше вузы» исеме өсөн көрәшәсәк

Әлфиә Әһлиуллина

Башҡорт дәүләт медицина университеты (БДМУ) «Сәләмәт йәшәү рәүеше вузы» исеме өсөн Бөтә Рәсәй юғары профессиональ белем биреү учреждениелары конкурсында ҡатнашасаҡ. Уны «Берҙәм Рәсәй» Бөтөн Рәсәй сәйәси партияһы, РФ Мәғариф һәм фән министрлығы һәм РФ Һаулыҡ һаҡлау һәм социаль үҫеш министрлығы ярҙамында «Рәсәй Медицина һәм фармацевтика вуздары ректорҙары советы» Төбәк-ара йәмәғәт ойошмаһы үткәрә.

БДМУ-ның рәсми сайтында (www.bgmy.ru) Башмедуниверситет ректоры вазифаһын башҡарыусы Вил Тимербулатовтың ҡултамғаһы менән студенттарҙы, профессор-уҡытыусылар составын сәләмәтләндереү һәм сәләмәт йәшәү рәүешен пропагандалау буйынса вуз эшмәкәрлеге программаһы ҡуйылды. Конкурсҡа тап ул тәҡдим ителәсәк тә.

Йомғаҡ яһау 2011 йылдың мартында үткәреләсәк. Бөтөн донъя сәләмәтлек көнөнә (7 апрелдә) конкурс еңеүселәре раҫланасаҡ. Советтың дөйөм йыйылышында еңеүсе вуз ректорына күсмә «Рәсәй Медицина һәм фармацевтика вуздары ректорҙары советы кубогы» тапшырыласаҡ. Конкурста еңеүсе вуз, номинацияларҙа еңеүсе вуздар һәм вуз-призерҙар конкурс дипломдары менән бүләкләнәсәк.

Башҡорт медицина университетында сәләмәт йәшәү рәүешен пропагандалау даими алып барыла. Студенттарҙың һәм хеҙмәткәрҙәрҙең һаулығын һаҡлау һәм нығытыу проблемаларын хәл итеүгә: уларҙы социаль яҡлау формаларын камиллаштырыуға, «Белем биреү процесы һәм студенттар менән дәрестән тыш эш концепцияһы», «Тәрбиәүи эш программаһы», «Студенттарҙың һәм хеҙмәткәрҙәрҙең һаулығын һаҡлау буйынса саралар программаһы» кеүек өҫтөнлөклө программалар әҙерләү һәм уларҙы тормошҡа ашырыуға айырыуса ҙур иғтибар бирелә.

#медуниверситет #конкурстар #сәләмәт йәшәү рәүеше

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.