Белореттың һуғыш ветерандары торлаҡ алды

Айгөл Кирамова | фото: Айгөл Кирамова

Дүшәмбе көнө Белорет районы муниципаль районы хакимиәте башлығы Владислав Миронов тантаналы шарттарҙа өс Бөйөк Ватан һуғышы ветеранына федераль бюджет средстволары иҫәбенә торлаҡ һатып алыуға социаль түләү биреү тураһында таныҡлыҡ тапшырҙы.

«Ветерандар тураһында» һәм «Рәсәй Федерацияһында инвалидтарҙы социаль яҡлау тураһында» закондарға ярашлы, һуғыш ветерандары, уларҙың тол ҡатындары, сирләү арҡаһында инвалидтар һәм инвалид балалары булған ғаиләләр торлаҡ мәсьәләһендә социаль яҡлау сараларына дәғүә итә ала. Был субсидия ярҙамында ветеран Рәсәй Федерацияһы биләмәһендә торлаҡ һатып ала ала. Субсидия Рәсәй Төбәктәр үҫеше министрлығы тарафынан билдәләнгән 1 квадрат метрҙың хаҡынан (Башҡортостан Республикаһы өсөн бөгөн был хаҡ бер квадрат метр өсөн 27800 һум тәшкил итә) һәм торлаҡ майҙанынан (ветерандар өсөн 36 квадрат метр майҙан билдәләнгән) сығып иҫәпләнә. Шулай итеп, хәҙерге ваҡытта субсидия күләме 1000800 һум тәшкил итә. Ветеран ошо суммаға тигеҙ хаҡ буйынса торлаҡ йәки, өҫтәп түләп, ҙурыраҡ майҙанлы торлаҡ һатып ала ала.

Усачев Петр Григорьевич, Скурлатова Наталья Яковлевна һәм Фролов Иван Андреевич торлаҡ һатып алыуға таныҡлыҡ хужалары булды. Белорет районы муниципаль районында 2010-2011 йылдарҙа бөтәһе 47 ветеран торлаҡ шарттарын яҡшыртты. «Әгәр элек 2005 йылдың 1 мартына тиклем иҫәпкә торған ветерандар ғына дәүләттән торлаҡҡа дәғүә итә алһа, хәҙер иһә, иҫәпкә ҡуйыу датаһына ҡарамаҫтан, бөтә мохтаж булған ветерандарҙың үҙ торлаҡ шарттарын яҡшыртыу мөмкинлеге барлыҡҡа килде», — тип билдәләне Белорет районы хакимиәтенең торлаҡ секторы мөдире Наилә Мосалева.

Владислав Миронов ветерандарҙы тормоштарындағы был мөһим ваҡиға менән ихлас күңелдән ҡотланы һәм уларға һаулыҡ, именлек теләне:

— Һуғыш бынан 66 йыл элек тамамланды, ләкин беҙ уны мәңге онотмаясаҡбыҙ һәм һеҙҙең батырлығығыҙҙы хөрмәтләйәсәкбеҙ. Һис шикһеҙ, Бөйөк Ватан һуғышының бөтә ветерандары ҙур иғтибарға лайыҡ. Беҙ һеҙҙең алда ҙур бурыслыбыҙ! Беҙҙең өсөн иң мөһиме — Белорет районында йәшәүсе Бөйөк Ватан һуғышы ветерандары беҙҙең хәстәрлегебеҙҙе һәм ярҙамыбыҙҙы тойһон.

1 из 6

#хәтер #социаль яҡлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.