Башҡортостан һәм Өфө яңылыҡтары
53.77
0
56.36
0
112.87
+1.24
14+ °C
Болотло
Бөтә яңылыҡтар
Йәмғиәт
14 Февраль 2011, 11:03

23 февралдә һәм 8 мартта нисек ял итәбеҙ?

БР Хеҙмәт һәм халыҡты социаль яҡлау министрлығы мәғлүмәте буйынса, байрам көндәре менән бәйле, 2011 йылдың 23 феврале, 6, 7 һәм 8 марты ял көндәре буласаҡ.
Рәсәй Федерацияһы Хеҙмәт кодексының 112-се статьяһына ярашлы, 23 февраль – Ватанды һаҡлаусылар көнө, 8 март – Халыҡ-ара ҡатын-ҡыҙҙар көнө – байрам көндәре булып тора.
Рәсәй Федерацияһы Хөкүмәтенең 2010 йылдың 5 авгусындағы «2011 йылда ял көндәрен күсереү тураһында»ғы 600-сө ҡарары менән ял һәм байрам көндәрен һөҙөмтәле файҙаланыу маҡсатында ял көнө - шәмбе 5 марттан дүшәмбе – 7 мартҡа (байрам алды көнөнә) күсерелде.
Шишәмбе 22 февралдә һәм шәмбе 5 мартта эш көнө бер сәғәткә ҡыҫҡартыла.
РФ Хеҙмәт кодексының 120-се статьяһы нигеҙендә йыллыҡ төп йәки өҫтәмә түләүле отпускы бирелгәндә байрам көндәре - 23 февраль һәм 8 март отпускының календарь көндәре иҫәбенә индерелмәй.
Автор:"Башинформ"
Теги:ял
Читайте нас в