Кохлеар имплантация артабан үҫтереләсәк

Башҡортостанда 2011-2013 йылдарға «Башҡортостан Республикаһында кохлеар имплантация» республика маҡсатлы программаһы эшләнәсәк. БР Хөкүмәтенең был турала бойороғона республика Президенты Рөстәм Хәмитов ҡул ҡуйҙы, тип хәбәр иттеләр Хөкүмәт матбуғат хеҙмәтенән.

Быға тиклем ғәмәлдә булған 2008-2010 йылдарға «БР-ҙа кохлеар имплантация» Президент программаһы 193 балаға ишетеү һәләтен ҡайтарырға ярҙам итте. Әлеге ваҡытта Башҡортостанда йәшәгән 128 бала кохлеар имплантациянан һуң реабилитация үтә, тағы 1235 бала күҙәтеүгә алынған.

Төбәк Һаулыҡ һаҡлау министрлығы әҙерләгән яңы проект һаулыҡ һаҡлау системаһын артабан камиллаштырыуға, шул иҫәптән яңы тыуған сабыйҙарҙы 95 процент күләмендә аудиологик скрининг менән солғап алыуға һәм ҡуйылған кохлеар импланттарҙың 100 процент эшләүен тәьмин итеүгә йүнәлтелгән.

Белешмә өсөн:

Халыҡ-ара статистика мәғлүмәттәренә ҡарағанда, уртаса алғанда, яңы тыуған 1000 сабыйҙың берәүһе тоталь һаңғыраулыҡ менән яфалана. Бынан тыш, йоғошло ауырыуҙар үткәреү, имгәнеү һөҙөмтәһендә 1000 баланың берәүһе ғүмеренең тәүге йылдарында һаңғырау ҡала.

Проблеманы хәл итеүҙең берҙән-бер юлы булып ишетеү протезы ҡуйыу юлы менән реабилитациялау тора, шул иҫәптән махсус ярҙамдың юғары технологик төрө — кохлеар имплантация яһап, унан һуң оҙаҡ ваҡыт ишетеү-телмәр реабилитацияһы үткәрелә. Ишетеү һәләте боҙолған баланы телмәргә өйрәтеү уға тауыштар ишетелгән донъяға яраҡлашыу һәм һуңынан тулы белем алып, эшкә урынлашыу, йәмғиәттең тулы хоҡуҡлы ағзаһы булыу мөмкинлеге бирә.

#һаулыҡ һаҡлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.