Понедельник, 20 Апреля 2026

Уфа

+14 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Йәмғиәт

04:49 (UTC+5), 24 Января 2011

Өфөлә "Европа" сауҙа үҙәгендәге янғында икәү һәләк булды, унлап кеше зыян күрҙе

"Башинформ" | фото: Олег Яровиков

Шәмбе көнө Өфөләге "Европа" сауҙа үҙәгендә сыҡҡан янғында ике кеше һәләк булды һәм унға яҡыны зыян күрҙе. Ут бинаның икенсе һәм өсөнсө ҡаттарын ялмап алды, тип хәбәр иттеләр БР буйынса Ғәҙәттән тыш хәлдәр министрлығының Баш идаралығында.

Октябрь проспектындағы "Европа"сауҙа-күңел асыу үҙәгендә урындағы ваҡыт менән киске сәғәт алтынсыла янғын сыға. Унда 20 янғын расчеты (70-ләп кеше) эшләй, 27 техника берәмеге йәлеп ителә. Үҙәк хеҙмәткәрҙәре һәм килеүселәр кисекмәҫтән эвакуациялана.

Был хәлде күреүселәр үҙәк бинаһында көслө шартлау ишетеүҙәре хаҡында һөйләй, ләкин аныҡ ҡына урыны аңлашылмай. Ошонан һуң янғын башлана, бина тәҙрәләренән ут һәм төтөн урғыла.

"Европа" сауҙа-күңел асыу үҙәге Өфөнөң уртаһында урынлашҡан (“тимер юл дауаханаһы” туҡталышы), унда ресторандар, магазиндар, төнгө клубтар, офис биналары урын алған. Бинанан алыҫ түгел — автозаправка станцияһы.

Янғын шәүләһе күрше биҫтәләрҙән дә күренә, төтөн еҫе тирә-яҡҡа тарала.

Һәләкәт урынына республика Президенты Рөстәм Хәмитов килә, ул БР буйынса Ғәҙәттән тыш хәлдәр министрлығының Баш идаралығы етәкселәренең докладын ҡабул итә һәм зыян күреүселәргә ярҙам ойоштороу тураһында тейешле бойороҡтар бирә.

Һәләкәт урынында көнкүреш газы шартлауы тураһында версия ишетелә.

Янғын бер аҙ һүрелгәс, урындағы ваҡыт менән 20 сәғәттәр тирәһендә бинаға ҡотҡарыу кәрәк-яраҡтары, баллондар менән Ғәҙәттән тыш хәлдәр министрлығы хеҙмәткәрҙәре үтә.

Зыян күреүселәр 21-се һәм 18-се дауаханаларға, шулай уҡ 22-се ашығыс ярҙам дауаханаһына оҙатыла. 22 сәғәт 40 минутҡа төрлө дауалау-профилактика учреждениеларына оҙатылған кешеләр һаны унға етә. Уларҙың алтауһы ауыр һәм уртаса хәлдә. Башҡортостан Республикаһы Президенты Рөстәм Хәмитов 21-се дауаханаға килеп, уларҙың хәлен белеште.

1 из 20

#янғындар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.