Башҡортостан һәм Өфө яңылыҡтары
60.48
0
62.88
0
81.18
-2.45
-14 °C
Болотло
Бөтә яңылыҡтар
Йәмғиәт
24 Ғинуар 2011, 16:03

Өфө дауаханаларында «Европа» сауҙа үҙәгендә янғын ваҡытында заян күргән 8 кеше ҡала

Шәмбе, 22 ғинуарҙа, Өфөнөң «Европа» сауҙа-күңел асыу үҙәгендә янғын сығыу һөҙөмтәһендә зыян күргән һигеҙ кеше дауаханаларҙа ҡала. Уларҙың алтауһы — 21-се ҡала клиник дауаханаһында, икәүһе 18-се ҡала клиник дауаханаһында кәрәкле медицина ярҙамы ала.
21-се ҡала клиник дауаханаһында госпиталләштерелгәндәрҙең бишәүһе һөрөм менән ағыуланған. Умыртҡа бағанаһы һынған һәм башы менән бәрелгән пациент та ошонда. 18-се дауаханаға тәне янған һәм муйын, күкрәк ситлеге зарарланған пациенттар һалынған. Уларҙы дауалау Башҡортостан Республикаһының һаулыҡ һаҡлау министры Георгий Шебаевтың шәхси контроленә алынған.
Мәғлүм булыуынса, 22 ғинуарҙа Өфөнөң «Европа» сауҙа-күңел асыу үҙәгендә янғын сығып, ике кеше һәләк була. Дүрт зыян күреүсегә амбулатор рәүештә медицина ярҙамы күрһәтелгән.
Автор:Әлфиә Әһлиуллина
Читайте нас в