Башҡортостан һәм Өфө яңылыҡтары
57.57
+2.27
54.39
+1.66
90.92
+2.06
4+ °C
Болотло
Бөтә яңылыҡтар
Йәмғиәт
29 Декабрь 2010, 14:02

Екатерина Лахова Башҡортостан ҡатын-ҡыҙҙары менән аралашты

Башҡортостандың Дыуан районы үҙәге – Мәсәғүт ауылында Рәсәй Ҡатын-ҡыҙҙар союзы рәйесе, РФ Дәүләт Думаһы депутаты Екатерина Лахова һәм БР Ҡатын-ҡыҙҙар союзы рәйесе Рәшиҙә Солтанова республиканың төньяҡ-көнсығыш райондарының ҡатын-ҡыҙҙар советтары вәкилдәре менән осрашты.
Осрашыу рәсми төҫтә булмаһа ла һәм район Мәҙәниәт йортоноң Яңы йыл тамашалары менән биҙәлеүенә ҡарамаҫтан, һөйләшеүҙә ҡатын-ҡыҙҙарҙың күп проблемалары күтәрелде. Атап әйткәндә, осрашыуҙа ҡатнашыусылар имен булмаған ғаиләләр, ғаиләлә ҡатмарлы хәлдәр килеп тыуғанда психологтар менән консультациялар үткәреүҙең халыҡ-ара тәжрибәһен индереү кәрәклеге һәм айырылышыуҙар һанын кәметеү буйынса башҡа саралар тураһында һөйләне. Бынан тыш, ҡатын-ҡыҙҙарҙың эскелеккә бирелеүе һәм һөҙөмтәлә балаларҙың ҡараусыһыҙ ҡалыуы темалары ҡуҙғатылды.
Осрашыу аҙағында Екатерина Лахова республика ҡатын-ҡыҙҙарын яҡынлашыусы Яңы йыл менән ҡотланы һәм бөтә ҡатын-ҡыҙҙар советтарына яңы йылда уңышлы эшләүҙәрен теләне.
Автор:"Башинформ"
Читайте нас в