Дүшәмбе, 25 Май 2026

Өфө

+29 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Йәмғиәт

10:48 (UTC+5), 22 Декабрь 2010

Төп шыршы байрамы утын бер юлы ике Президент тоҡандырҙы

Ғәлиә Нәбиева | фото: Олег Яровиков

Нефтселәр Мәҙәниәт һарайында республиканың төп шыршы байрамы үтә. Республиканың иң уңған балалары өсөн Яңы йыл тамашаһын бер юлы ике – Башҡортостан һәм Татарстан Президенты асты.

— Бөгөн был залда үҙ хеҙмәте, үҙ белеме менән ошо шыршы байрамында ҡатнашыу хоҡуғы яулаған иң яҡшы, иң тырыш, иң аҡыллы балалар йыйылған, — тине, Яңы йыл шоуында ҡатнашыусыларҙы тәбрикләп, Башҡортостан Президенты Рөстәм Хәмитов. — Мин һеҙҙең республиканың ысын патриоттары булып үҫеүегеҙҙе теләйем.

Рөстәм Хәмитовтың саҡырыуы буйынса төп шыршы байрамына Татарстан Президенты Рөстәм Минниханов килде.

— Беҙ ике Рөстәм һәм бында йыйылған бөтә балалар мотлаҡ бәхетле булырға тейешбеҙ, — тине Рөстәм Нурғәли улы. — Мин барығыҙҙы ла яҡынлашып килгән Яңы йыл менән ҡотлайым һәм һеҙгә уңыштар теләйем.

Был көндө Башҡортостандың ике балалар учреждениеһы бер юлы ике өр-яңы микроавтобус алды. Президенттар, ысын Ҡыш бабайҙар кеүек, Өфөнөң 13-сө махсус коррекцион дөйөм белем биреү мәктәп-интернатында һәм 1-се Балалар йортонда тәрбиәләнеүселәрҙең теләген үтәне. Һәр Президент был сағыу Яңы йыл байрамында уларға микроавтобус тапшырҙы.

Республикала Президент шыршыһы ун бишенсе тапҡыр үткәрелә. Быйыл төбәк башлығы менән бергәләп шыршы тирәләй әйләнеү хоҡуғын Башҡортостан мәктәптәренең 780 уҡыусыһы яуланы. Былар уҡыу алдынғылары, предмет олимпиадаларында һәм спорт ярыштарында еңеүселәр, художестволы үҙешмәкәрлек фестивалдәре лауреаттары, хәрби бурысын үтәгәндә һәләк булған хәрби хеҙмәткәрҙәр һәм Эске эштәр министрлығы хеҙмәткәрҙәре балалары. Коррекцион мәктәп-интернаттарҙан һәм балалар йорттарынан балалар ҙа, бар хәсрәттәрен онотоп, рәхәтләнеп күңел асты.

Президент шыршыһына республиканың 39 районынан уҡыусылар килгән. Нисә йәштә булыуына ҡарамаҫтан, уларҙың һәр береһе Ҡыш бабай ҡулынан бүләк алыу тураһында хыяллана.

1 из 20

#президент шыршыһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.