150 уҡыусы Президент Рөстәм Хәмитов менән бергә Байконурға барасаҡ

Светлана Ғәфүрова

Өфөгә Рәсәй Космонавтика федерацияһының төбәк бүлексәһе саҡырыуы буйынса Рәсәй космонавы Владимир Коваленок килде. Ул Башҡортостан Президенты Рөстәм Хәмитов менән осрашты.

Төбәк бүлексәһенең башҡарыусы директоры Сергей Плюхов хәбәр итеүенсә, осрашыу барышында яҡындағы ике-өс йылда Өфөлә балалар өсөн аэрокосмик үҙәк төҙөү тураһында һөйләшеп килешелде. Рөстәм Хәмитов шулай уҡ Башҡортостандан уҡыусыларҙы шәхсән үҙе Байконур космодромына экскурсияға алып барырға вәғәҙә итте, был сәфәр 2011 йылдың март аҙағына планлаштырыла. Республиканың өлкән класс уҡыусылары сираттағы йыһан карабын осороу шаһиты буласаҡ. Шуныһы иғтибарға лайыҡ, делегация составына балиғ булмағандар эштәре буйынса инспекцияла иҫәптә торған ауыр тәрбиәләнгән балаларҙы индерергә планлаштырыла. Тормоштан күренеүенсә, ғәҙәттә, бындай экскурсияларҙан һуң ауыр үҫмерҙәр йыш ҡына иҫәптән алына һәм уларҙың донъяға ҡарашы тамырынан үҙгәрә. Рәсәй Космонавтика федерацияһының төбәк бүлексәһе ойоштороусылары фекеренсә, Байконурға экскурсия өлкән класс уҡыусылары өсөн танып белеү генә түгел, ҙур тәрбиәүи әһәмиәткә лә эйә буласаҡ.

Владимир Коваленок Краснокама районының Ҡуян ауылында ла булды, унда ауыл уҡыусылары менән осрашты. Космонавты был районда балалар һәм үҫмерҙәр ойошмаларының совет системаһы – октябряттарҙан алып комсомолецтарға тиклем – һаҡланыуы ғәжәпләндерҙе. Владимир Васильевич «был ыңғай тәжрибәне бөтә Рәсәй буйлап таратырға" ниәтен белдерҙе.

«Башҡорт балы» төбәк фәнни-производство үҙәге яуаплылығы сикләнгән йәмғиәте етәксеһе Ришат Ғәлиев менән дә осрашыу үткәрелде, уның ойошмаһы бына 10 йыл инде Халыҡ-ара космос станцияһын башҡорт балы менән тәьмин итә. Башҡорт балы Рәсәй космонавтарында ғына түгел, донъяның төрлө илдәренән уларҙың коллегаларында ла ҙур популярлыҡ менән файҙалана.

#бр президенты #космонавтика #осрашыуҙар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.