Өфөләге Нефтселәр мәҙәниәт һарайының яҙмышы билдәһеҙ ҡала

Әлфиә Әһлиуллина

Өфөләге «Нефтсе» мәҙәниәт һарайы дүшәмбе көндө Конгресс-холда үткән мәҙәниәт буйынса түңәрәк өҫтәлдә ҡатнашыусылар өсөн фекер алышыу предметына әйләнде. Бөгөн был ҡала үҙәгендәге ҙур мәҙәниәт усағы майҙандарын ҡуртымға биреү һәм бер нисә үҙешмәкәр түңәрәктәр иҫәбенә генә йәшәп килә.

Түңәрәк өҫтәлдә ҡатнашыусыларҙың күбеһенең билдәләүенсә, был, кәм тигәндә, маҡсатҡа ярашлы түгел. Асыҡланыуынса, баш ҡала үҙәгендәге был матур урынға ҡайһы бер мәҙәниәт учреждениелары ла дәғүә итә икән. Хөсәйен Әхмәтов исемендәге Башҡорт дәүләт филармонияһы һәм Башҡортостан Республикаһының Милли симфоник оркестры ла улар иҫәбендә.

БР Милли симфоник оркестры етәксеһе һәм дирижеры Таһир Камалов быға үҙенең дәлилдәрен килтерә. Уның әйтеүенсә, 20 йыл эшләү дәүерендә Милли симфоник оркестрының әле һаман үҙ бинаһы юҡ. Бөгөн музыканттар Башҡорт дәүләт опера һәм балет театрының грим һалыу бүлмәләрендә урынлашып, Өфө сәнғәт училищеһының Концерт залында сығыш яһарға мәжбүр. Һәм был үҙ бинаһы булмаған артистарҙың көндәлек проблемаларының бер бәләкәй өлөшө генә.

Башҡорт дәүләт филармонияһы вәкилдәре лә үҙенең аргументтарын килтерә. Филармония бинаһы бөгөн бындай ҙур ойошманың хәҙерге стандарттарына тап килмәй, тип иҫәпләй улар.

Үҙ сиратында, түңәрәк өҫтәлде ойоштороусы, БР Президентының мәҙәниәт мәсьәләләре буйынса советнигы, билдәле музыкант Олег Кирәев Нефтселәр мәҙәниәт һарайы нигеҙендә күп функциялы Сәнғәт үҙәге ойоштороу тәҡдиме менән сығыш яһаны. Уның фекеренсә, бындай үҙәк балалар өсөн дә, академик сәнғәт өсөн дә, шулай уҡ эстрада һәм халыҡ ижады өсөн дә ҙур сәхнә майҙаны булыр ине.

#түңәрәк өҫтәл

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.