Вторник, 16 Июня 2026

Уфа

+23 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

09:48 (UTC+5), 07 Декабря 2010

Мәҙәниәт министры Асҡар Абдразаҡов тәүге тапҡыр наградлау тантанаһы үткәрҙе

Әлфиә Әһлиуллина

Шишәмбе, 7 декабрҙә, Башҡортостан Республикаһының Мәҙәниәт министрлығында алдынғы мәҙәниәт хеҙмәткәрҙәрен наградлау тантанаһы үткәрелде. Тәүге тапҡыр уны ведомствоның яңы етәксеһе Асҡар Абдразаҡов үткәрҙе.

— Тәүге имтихандағы кеүек тулҡынланам, — тип тураһын таныны ул.

Министр артистарҙың, башҡа мәҙәниәт эшмәкәрҙәренең хеҙмәтенә ҙур ихтирам менән һәм аңлап ҡарауын билдәләне.

— Барығыҙ ҙа күреп тораһығыҙ, бөтә халыҡ ял иткәндә, беҙ эшләйбеҙ. Шул рәүешле үҙ ижадыбыҙ, үҙ хеҙмәтебеҙ менән беҙ кешеләргә матурлыҡты тойорға, күрергә һәм аңларға өйрәтәбеҙ, — тине ул.

БР-ҙың яңы мәҙәниәт министры, донъя кимәлендәге опера йондоҙо ҡулынан бөгөн 12 кеше награда алды. Уларҙың туғыҙына «БР-ҙың атҡаҙанған мәҙәниәт хеҙмәткәре» тигән маҡтаулы исем бирелде. Ҡалғандарына килгәндә, Зәйнәб Биишева исемендәге Башҡортостан «Китап» нәшриәтенең уҡыу-педагогика әҙәбиәте редакцияһы мөхәррире Зөһрә Йәйкәрова Башҡортостан Республикаһының Почет грамотаһы менән бүләкләнде, уның коллегаһы Әлфиә Әсәҙуллина «БР-ҙың атҡаҙанған матбуғат һәм киң мәғлүмәт хеҙмәткәре» исемен алды. Ә Фәйзи Ғәскәров исемендәге Дәүләт академия халыҡ бейеүҙәре ансамбле артисы Марат Яҡупов был тантанала «Башҡортостандың атҡаҙанған артисы» тигән иң юғары исем алыуға лайыҡ булды.

Тантананы тамамлап, Асҡар Абдразаҡов бүләкләнеүселәрҙең барыһына ла яңы йылда үҙ эштәрен тағы ла ҙурыраҡ дәрт һәм илһам, яңы көс менән дауам итеүҙәрен теләне.

— Беҙ, үҙ сиратыбыҙҙа, һеҙгә һәр яҡлап ярҙам итергә тырышасаҡбыҙ, — тине министр.

1 из 20

#наградлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.