Четверг, 30 Апреля 2026

Уфа

+14 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

10:50 (UTC+5), 10 Ноября 2010

Юристар кандидатлыҡ һәм докторлыҡ диссертацияларын Өфөлә яҡлай аласаҡ

Ольга Мортазина | фото: Андрей Старостин

Өфөлә, Конгресс-холда, «Рәсәй юристары ассоциацияһы» төбәк бүлексәһенең отчет-һайлау конференцияһы үтә. Уның эшендә Башҡортостан Президенты Рөстәм Хәмитов, «Рәсәй юристары ассоциацияһы» Дөйөм Рәсәй йәмәғәт ойошмаһы Идараһы рәйесе, Дәүләт Думаһының Граждандар, енәйәт, арбитраж һәм процессуаль закондары буйынса комитеты рәйесе Павел Крашенинников, БР Дәүләт Йыйылышы – Ҡоролтай Рәйесе Константин Толкачев ҡатнашты.

— Хәҙерге үҫешкән дәүләт хоҡуҡ системаһының һөҙөмтәле эшләүе менән айырылып тора, — тине республика Президенты. — Ул, кеше закон буйынса үҙенә тейешле нәмәне ала, тип гарантиялай. Республикала юғары квалификациялы юристар аҙ түгел, ике йыл элек улар Рәсәй Юристар ассоциацияһына ҡушылды һәм ярайһы уҡ юғары кимәлдә эшләй. Ләкин көсәйтеүҙе талап иткән ҡайһы бер йүнәлештәр ҙә бар.

Иң элек бушлай юридик ярҙамды көсәйтергә кәрәк. Был эш сиктәрендә ҡыҫҡа ваҡытта хоҡуҡ мәҙәниәтен таратыуға булышлыҡ итерлек сайт — юридик портал булдырырға кәрәк. Минең ҡарашҡа, юристар депутаттар ҡабул иткән закондарға йәмәғәт экспертизаһы үткәрергә тейеш.

Рөстәм Хәмитов шулай уҡ, ярҙам итергә вәғәҙә итеп, республикала Рәсәй юристары йәштәр форумын үткәрергә һәм урындағы «Йыл юрисы» профессиональ конкурсын булдырырға тәҡдим итте.

— Ғәжәп, беҙҙең вуздарҙа юриспруденция буйынса диссертация советы юҡ, — тип белдерҙе Президент. — Юристарыбыҙ үҙ кандидатлыҡ һәм докторлыҡ диссертацияларын башҡа ҡалаларҙа яҡларға мәжбүр.

— Ысынлап та, был тәртипһеҙлек. Ҡайҙағыҙ, мин был мәсьәләгә тотонайым әле, — тине Павел Крашенинников залдағыларҙың алҡышлап ҡул сабыуы аҫтында: конференцияла эшләүсе юристар һәм Ассоциация ағзалары ғына түгел, шулай уҡ студенттары менән уҡытыусылар ҙа ҡатнашты, улар өсөн был мәсьәлә айырыуса мөһим.

Павел Крашенинников ҡыҫҡаса мөһим яңылыҡтар хаҡында һөйләне. Мәҫәлән, Рәсәйҙә интеллектуаль милек мәсьәләләре менән шөғөлләнәсәк Патент суды ойошторола. Тикшереү комитеты прокуратуранан айырыла, бөтә тикшереү бер органда тупланасаҡ. Нотариатты ла реформалаштырыу көтә — нотариустарҙың бушлай консультация биреү функцияһы барлыҡҡа киләсәк.

Башҡортостан юристары ойошмаһын иң беренсе Радий Хәбиров етәкләне, һуңынан — Рафаил Зинуров. Бөгөн конференция бурыстарының береһе — төбәк бүлексәһе етәксеһен ҡайтанан һайлау.

1 из 16

#юристар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.