Башҡортостан һәм Өфө яңылыҡтары
53.77
+1.26
56.36
+1.72
111.63
+2.6
12+ °C
Болотло
Бөтә яңылыҡтар
Йәмғиәт
4 Октябрь 2010, 16:10

100-ҙән ашыу имам Учалыла квалификацияһын күтәрҙе

Учалы районында имамдарҙың квалификацияһын күтәреү курстарына 100-ҙән ашыу дин әһеле йыйылды. Был БР мосолмандарының Диниә назараты быйыл үткәргән етенсе күсмә белем биреү сараһы. Имамдарҙы уҡытырға БР мосолмандарының Диниә назараты, М. Аҡмулла исемендәге Башҡорт дәүләт педагогия университеты хеҙмәткәрҙәре, шулай уҡ Әл-Әзһәр Халыҡ-ара Ислам университетынан шәйех Мөхәммәд Хөсәйен килде.
Республикабыҙҙа ошондай имамдарҙың квалификацияһын күтәреү курстары үткәреү традицияға әүерелде. БР мосолмандарының Диниә назараты Өфөгә уҡырға килә алмаған алыҫ райондар дин әһелдәре өсөн уларҙы былтыр көҙҙән үткәрә башланы. Курстар республиканың Миәкә, Мәсетле, Ҡариҙел һәм башҡа ҡайһы бер райондарында үткәрелде. Райондарҙың дини хеҙмәткәрҙәрен уҡытыуҙың бындай формаһы файҙалы ғына түгел, уңайлы ла – уларҙың ваҡыттары ла экономиялана, Өфөгә барып йөрөүгә аҡса ла түкмәйҙәр.
Автор:Евгений Рәхимҡолов
Теги:дин
Читайте нас в