Башҡортостан һәм Өфө яңылыҡтары
78.78
+0.13
93.13
+0.45
68.84
+0.2
16+ °C
Болотло
Бөтә яңылыҡтар
Йәмғиәт
24 Сентябрь 2010, 18:45

Балалар баҡсаһы тәрбиәләнеүселәре халыҡ-ара экологик акцияла ҡатнашты

Кисә Өфөнөң Киров районындағы 35-се балалар баҡсаһы тәрбиәләнеүселәре тәрбиәселәр, ата-әсәләре, өләсәләре оҙатыуында «Йәшел сауҡалыҡ» шифаханаһы алдындағы паркта 10 ҙур ҡап менән көнкүреш сүп-сарын йыйҙы.
Мәктәпкәсә йәштәге балалар ошо рәүешле халыҡ-ара экологик акцияға ҡушылып, Рәсәйҙән иң йәш ҡатнашыусылар булды. Был проект республикала ЮНЕСКО эштәре буйынса республика комитеты һәм Life-Link ойошмаһы яҡлауы аҫтында үткәрелә.
Акция йомғаҡтары буйынса БР Экологтар союзы рәйесе Александр Веселов йәш экологтарға дипломдар тапшырҙы. Уның фекеренсә, бындай саралар ҡатнашыусылар өсөн тәрбиәүи сара ғына түгел, ә Өфө парктарын һәм башҡа төрлө рекреацион зоналарын сүп-сарға әйләндерергә ҡамасауламаған ололар һәм коммуналь хеҙмәттәргә үҙенә күрә шелтә лә.
Автор:Светлана Ғәфүрова
Читайте нас: