Понедельник, 20 Апреля 2026

Уфа

+5 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Йәмғиәт

06:15 (UTC+5), 20 Сентября 2010

Башҡортостан милицияһы тыуған көнөндә 30 автомашина алды

Ольга Мортазина | фото: Олег Яровиков

Башҡортостанда эске эштәр органдары ойошторолоуының 91 йыллығы хөрмәтенә Өфөлә Ленин исемендәге майҙанда тантаналы парад үтте: Эске эштәр министрлығы үҙенең бөтә ҡеүәтен күрһәтте. Милиционерҙарҙы Башҡортостан Президенты Рөстәм Хәмитов ҡотланы:

— Тыуған илгә хеҙмәт итеү хоҡуғы өсөн һеҙ йыш ҡына үҙ ғүмерегеҙ, иптәштәрегеҙҙең ғүмере менән түләйһегеҙ, — тине Рөстәм Зәки улы. — Енәйәтселеккә ҡаршы көрәштә үҙ ғүмерен ҡорбан итеүселәр мәңге хәтерҙә ҡаласаҡ. Тиҙҙән һеҙгә реформалар шарттарында эшләргә тура киләсәк, был еңелдән түгел, әлбиттә. Ләкин һеҙҙең хеҙмәтегеҙ тағы ла һөҙөмтәлерәк буласағына ышанам.

Ә эске эштәр органдары эшендә матди-техник база ҙур әһәмиәткә эйә булыуын иҫәпкә алып, тип өҫтәне Президент, бөгөн милиционерҙарға федераль һәм республика бюджеттары аҡсаһына һатып алынған 30 "Нива" автомашинаһы тапшырыла.

Рөстәм Хәмитов һәм БР буйынса Эске эштәр министрлығы башлығы Игорь Алешин айырыуса фиҙаҡәрлек күрһәткән Эске эштәр министрлығы хеҙмәткәрҙәренә Рәсәй һәм республика наградаларын тапшырҙы: улар араһында оперуполномоченныйҙар, кинологтар, водителдәр, автоинспекторҙар, патруль хеҙмәткәрҙәре, һаҡсылар бар ине. Криминаль хәлдә юғалып ҡалмай, милиционерҙарға енәйәтселәрҙе тоторға ярҙам иткән өфөлөләргә гә бүләктәр тапшырылды.

Тантана хужаларын дини эшмәкәрҙәр ҙә ҡотланы.

Байрамдың иң күркәм өлөшө булып БР буйынса Эске эштәр министрлығы подразделениелары парады торҙо, унда башҡа көс ведомстволары — Наркоконтроль һәм Федераль именлек хеҙмәте идаралығы ла ҡатнашты.

1 из 20

#бр буйынса эске эштәр министрлығы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.