Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Йәмғиәт
27 Август 2010, 18:40
Сибайҙа төбәк-ара медицина үҙәге ойоштороласаҡ
Сибайҙың Үҙәк ҡала дауаханаһы нигеҙендә Урал аръяғы төбәк-ара медицина үҙәген ойоштороу планлаштырыла. Был мәсьәлә көн элгәре Сибайҙа республика башлығы Рөстәм Хәмитов ҡатнашлығында үткән кәңәшмәлә тикшерелде.
Дауахана өсөн күптән түгел яңы корпус төҙөлгән. Әммә буш биналарҙы йыһазландырыу, яңы ҡорамалдар һатып алыу менән бәйле мәсьәләләр әле һаман хәл ителмәгән. Башҡортостандың Урал аръяғынан ҡайһы берәүҙәр Магнитогорскиға медицина ярҙамын һорап мөрәжәғәт итергә тура килә, тип ризаһыҙлығын белдерҙе.
Рөстәм Хәмитов дауахана нигеҙендә төбәк-ара медицина үҙәген булдырыу мәсьәләһенә контроллек итеүҙе БР Хөкүмәте Премьер-министры Фидус Ямалетдиновҡа йөкмәтте.
— Үҙәкте ойоштороуҙа БР Һаулыҡ һаҡлау министрлығы, БР Финанстар министрлығы, шулай уҡ БР Төҙөлөш һәм архитектура буйынса дәүләт комитеты әүҙем ҡатнашырға тейеш, - тине төбәк башлығы. — Йәнә төҙөлөш эштәрен тамамлау ваҡытын, кадрҙар менән тәьмин итеүҙе, үҙәкте республика ҡаҙнаһынан финанслау мөмкинлектәрен алдан хәстәрләргә кәрәк.
Фидус Ямалетдинов әйтеүенсә, бөгөн Сибайҙың Үҙәк ҡала дауаханаһы базаһында дүрт бүлексә ойоштороу тураһында ҡарар ҡабул ителгән дә инде. Шул иҫәптән бында йөрәк-ҡан тамырҙары ауырыуҙары буйынса төбәк-ара үҙәк, район-ара онкология бүлексәһе, травматология буласаҡ. Улар Урал аръяғы төбәк-ара медицина үҙәгенең нигеҙен тәшкил итәсәк.
Автор:
Евгений Рәхимҡолов
Теги:
һаулыҡ һаҡлау
президент маршруттары
Читайте нас: