14 августа Башҡортостанда мәғариф буйынса август кәңәшмәһе үтәсәк

Шәмбе көндө, 14 августа, Башҡортостанда мәғариф буйынса республика август кәңәшмәһе үтәсәк. Традицион педсоветта ҡатнашыусыларҙы быйыл көнбайыш райондар – Саҡмағош һәм Бүздәк ҡабул итә. Шулай ҙа, БР Мәғариф министрлығынан билдәләүҙәренсә, сараны үткәреүгә Туймазы һәм Шаран райондары ла йәлеп ителгән.

Август кәңәшмәһе бер көн дауамында барасаҡ. Унда ҡатнашыусылар райондарҙың белем биреү учреждениелары менән танышыу, педагогтар коллективы һәм уҡыусылар менән осрашыу өсөн ике маршрут буйынса юлға сығасаҡ, артабан пленар ултырышта мәғариф системаһының көнүҙәк мәьәләләрен ҡараясаҡ, үткән уҡыу йылына йомғаҡ яһаясаҡ һәм киләһенә бурыстар билдәләйәсәк.

Быйылғы август кәңәшмәһенең темаһы –«Хәҙерге мәктәп үҫешенең инновацион юлы булараҡ «Беҙҙең яңы мәктәп» милли-мәғариф инициативаһы». Пленар ултырыш Саҡмағош ауылында үтәсәк.