Хөкөмгә тарттырылыу ваҡыты үтмәгән чиновникҡа вазифаһын бушатырға тура килде

Прокурорҙар Благовещен хакимиәтенән законды үтәүҙе һәм дөйөм мәсьәләләр буйынса хакимиәт башлығы вазифаһын башҡарыусыны вазифаһынан бушатыуҙы талап иттте. Эш шунда: күптән түгел был кеше Эске эштәр бүлеге начальнигы ине һәм быйылғы йылдың мартында вазифаһы менән самаһыҙ ҡулланғаны өсөн хөкөмгә тарттырылды. Ул власть органдарында эшләү хоҡуғынан мәхрүм итеү менән бергә шартлы рәүештә 5,5 йылға хөкөм ителде, әммә хакимиәт башлығы уны үҙенең урынбаҫары вазифаһын башҡарыусы итеп тәғәйенләй.

БР Прокуратураһының матбуғат хеҙмәтенән хәбәр итеүҙәренсә, законлылыҡ тергеҙелгән, чиновник муниципаль хеҙмәттән бушатылған.