Башҡортостанда тыуым артыуы дауам итә, үлем кәмей

Ағымдағы йылда республиканың демографик үҫеше тыуымдың 3,1 процентҡа артыуы һәм үлемдең 3 процентҡа кәмеүе менән билдәләнгән. Башҡортостан халҡының тәбиғи артыуы 2010 йылдың тәүге алты айында 3,5 промилле тәшкил иткән. Был турала Башҡортостан Республикаһы Һаулыҡ һаҡлау министрлығы коллегияһының беренсе ярты йыллыҡтағы эш һөҙөмтәләре буйынса ултырышында һаулыҡ һаҡлау министры вазифаһын башҡарыусы Андрей Евсюков хәбәр итте.

Уның әйтеүенсә, отчет осоронда транспорт һәм бәхетһеҙлек осрағы менән бәйле үлем күрһәткесенең - 11,3 процентҡа, ҡан әйләнеше системаһы ауырыуҙарынан – 16,8 процентҡа, шештәрҙән (шул иҫәптән яман шештәрҙән) – 11,8 процентҡа, туберкулездан үлеү осрағының 2 процентҡа кәмеүе күҙәтелгән. Шулай уҡ дөйөм ауырыуҙар иҫәбе лә 0,3 процентҡа кәмегән.

Шул уҡ ваҡытта ведомство етәксеһе вазифаһын башҡарыусы ултырышта ҡатнашыусыларға дөйөм ауырыуҙар структураһында тын алыу органдары ауырыуҙарының (20,6%), ҡан әйләнеше системаһы (15%), аш һеңдереү органдары ауырыуҙарының (9,1%) нығыраҡ таралыуына иғтибар итергә ҡушты.

—ВИЧ-инфекция менән ауырыу осрағы артҡан, наркомания, токсикомания, енси юл аша таралыусы инфекциялар, хроник алкоголизм – кәмегән. Федераль яза башҡарыу системаһы учреждениеларында туберкулездың ярайһы үҫешеүе теркәлгән, - тип мәғлүмәт бирҙе Андрей Евсюков.

Министр вазифаһын башҡарыусы йәнә медицина ярҙамын ойошторғанда артабан халыҡ үлеменең юғары кимәлен формалаштырыусы ауырыуҙар һәм травмалар (инсульт, инфаркт, онкология, йәрәхәттәр һәм ағыуланыу) менән бәйле тиҙ медицина ярҙамы проблемаларын хәл итеү төп урында буласаҡ, тип белдерҙе.

— Муниципаль-ара махсуслаштырылған үҙәктәр ойоштороуға һәм уларҙы йыһазландырыуға айырым иғтибар биреләсәк. 300 меңдән 500 мең кешегә иҫәпләнгән йөрәк-ҡан тамырҙары, онкологик сирҙәр, травмалар буйынса муниципаль-ара бүлексәләр ойоштороу планлаштырыла һәм улар заманса медицина ҡорамалдары менән йыһазландырыласаҡ, - тине БР Һаулыҡ һаҡлау министрлығы башлығы вазифаһын башҡарыусы.

#һаулыҡ һаҡлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.