«Мөхәббәт һәм тоғролоҡ өсөн» миҙалы – Яңауылдан уҡытыусылар ғаиләһенә

Николай Ермоленко

Социаль-мәҙәни башланғыстар фонды ҡарамағындағы федераль ойоштороу комитеты тарафынан булдырылған «Мөхәббәт һәм тоғролоҡ өсөн» миҙалы Яңауылдан ғаиләгә – 36 йыл бәхетле никахта йәшәгән, дүрт бала – ике ул һәм ике ҡыҙ тәрбиәләп үҫтергән Зәйтүнә менән Булат Назаровтарға бирелде. Бөтә балалары ла юғары белем алған, икәүһе һаулыҡ һаҡлау өлкәһендә эшләй, береһе — тимер юлда, һәм тағы береһе – иҡтисадсы.

Зәйтүнә Зәйнулла ҡыҙы менән Булат Сабит улы Назаровтар – уҡытыусылар, тип хәбәр иттеләр Яңауыл районы хакимиәтендә. Зәйтүнә Яңауыл лицейында музыканан уҡыта, ә ире шунда уҡ – физик культуранан. Икеһе лә – юғары класлы белгестәр һәм әүҙем йәмәғәтселәр. Зәйтүнә Назарова музыка уҡытыусыларының район методик берекмәһенә етәкселек итә, Булат бөтә күмәк спорт сараларын ойоштороуҙа һәм үткәреүҙә ҡатнаша.

«Мөхәббәт һәм тоғролоҡ өсөн» миҙалын был пар Уҡытыусы йылында алыуы ла бик әһәмиәтле, сөнки улар бер-береһен яратҡан кеүек үҙ һөнәрҙәрен дә ярата һәм өс тиҫтә йылдан ашыу инде уға тоғро хеҙмәт итә.

«Мөхәббәт һәм тоғролоҡ өсөн» миҙалы 2008 йылда коммерция булмаған Социаль-мәҙәни башланғыстар фонды тарафынан булдырыла, уны РФ Президентының ҡатыны Светлана Медведева етәкләй. Ул йылына бер тапҡыр тапшырыла һәм ғәҙәттә 8 июлдә билдәләнгән «Ғаилә, мөхәббәт һәм тоғролоҡ көнө»нә тура килтерелә.

1 из 2

#мәғариф #наградалар #ғаилә ҡиммәттәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.