Среда, 16 Сентября 2026

Уфа

+14 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Последние новости

Төп бит/Йәмғиәт

16:15 (UTC+5), 22 Июля 2010

Ураҙҙа янғындан зыян күреүселәр яңы йорттарҙан асҡыс алды

Учалы районының Ураҙ ауылында бөгөн 5 июндә янғындан зыян күреүсе кешеләргә йорт асҡыстары тапшырылды. Ул саҡта ут туғыҙ йортто һәм 12 йорт алды ҡаралтыһын тулыһынса юҡҡа сығарҙы.

Был фажиғә 1265 кеше йәшәгән ҡасабала булды. Ярай әле кеше ҡорбандары булманы. Әммә бер нисә ғаилә – 19 кеше, шул иҫәптән алты бала, торлаҡһыҙ ҡалды. Дөйөм зыян алты миллион һумға яҡын тәшкил итте.

Янғын Мышағыр урамындағы йорттарҙың береһендә башланды. Көн ҡоро эҫе тороу (ул мәлдә температура 32 градусҡа еткәйне) һәм көслө ел иҫеү арҡаһында ялҡын күҙ асып йомған арала бер-береһенә терәлеп тигәндәй ултырған бер нисә йортто ялмап алды.

Ҡотҡарыусыларҙың тилбер эш итеүе һәм профессионализмы ҡалған 44 йортто һаҡлап алып ҡалды. Йортһоҙ ҡалыусыларҙы ваҡытлыса урындағы лицейға урынлаштырҙылар. Һуңыраҡ улар үҙ туғандарында урын тапты.

Башҡортостан етәкселеге ҡазаға тарыусыларға ярҙам күрһәтеү тураһында ҡарар ҡабул итте. Улар барыһы ла биш мең һум күләмендә матди ярҙам алды.

Ләкин, иң мөһиме – кешеләргә яңы йорт һалыу өсөн 15-әр сутый ер бирелде. Уларҙы төҙөүгә средстволар республика бюджетынан бүленде.

Хәҙерге ваҡытта айырым участкаларҙа ағас йорт, мунса һәм һарайҙар ҡалҡып сыҡты ла инде. Һәр усадьба ағас ҡойма менән кәртәләп алынған.

Яңы төҙөлөш районында электр тапшырыу линияһы һуҙылды. Юл һалынды. Бөтә йорттар телефонлаштырылған. Уларҙа йылы, яҡты. Шәхси иғәнәләр иҫәбенә йорт йыһаздары ла һатып алынды.

Торлаҡһыҙ ҡалған ғаиләләргә ярҙам күрһәтеү өсөн районда иғлан ителгән хәйриә акцияһы иҫәбенә 250 мең һумдан ашыу аҡса күсерелде.

Ҡазаға бер кем дә вайымһыҙ ҡалманы — власть вәкилдәре, сәнәғәт предприятиелары һәм ойошмалар коллективтары, бизнесмендар һәм ябай кешеләр ярҙам ҡулы һуҙҙы.

Кем нисек булдыра ала — кейем-һалым, һауыт-һаба, көнкүреш техникаһы менән ярҙам итте. Йыйылған средстволар иҫәбенә уҡыусыларға балалар сәләмәтләндереү лагерҙарына бушлай путевкалар бүленде, ә мәктәпкәсә йәштәгеләр балалар санаторийында аяҡҡа баҫтырыу дауалауы үтә аласаҡ.

1 из 12

#хәйриә #социаль яҡлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.