«Байыҡ» еңеүселәре аталды

Эльвира Латипова

«Байыҡ» II Республика балалар башҡорт бейеүҙәре конкурсы еңеүселәре иҫәбенә 70 солист, дуэт һәм триола ҡатнашыусы, ун ансамбль һәм дүрт хореограф инде.

Был тиклем лауреаттар һанына ғәжәпләнерлек түгел: финалда 200-ҙән ашыу йәш бейеүсе ҡатнашты. Улар йәш категориялары буйынса бүленде: 3-тән 10 йәшкә һәм 10-дан 15 йәшкә тиклемге. Конкурс 16 номинация буйынса үткәрелде, улар араһында «Өмөт», «Йыл асышы», «Мөләйемлелек», «Тамашасы һөйөүе призы», «Ир-егеттәр бейеүе традицияларын һаҡлаған өсөн», «Сюжетлы бейеү», «Яңылыҡ» һәм башҡалар.

Гран-приға лайыҡ иң яҡшы ансамбль тип Ишембай районынан «Тәйрүк» танылды. Беренсе урынды Хәйбулла районының «Йондоҙсоҡ» коллективы яуланы, икенсене — «Ынйыҡай» (Сибай), өсөнсө урынды – «Малайҙар» (Ейәнсура районы).

Кесе йәштәгеләр төркөмөндә Учалы районынан Фидель Кәримов Гран-при яуланы. Беренсе урында – Белорет районынан Айгиз Мортазин һәм Сибайҙан Алина Афзалова менән Хәлил Үтәбаев составындағы дуэт. Икенсе урынды жюри Учалы районынан Наҙгөл Зәйнәшеваға бирҙе, өсөнсөнө – Сибайҙан Динар Баязитовҡа, Бөрйән районынан Айсар Нәбиуллинға һәм Йылайырҙан Ғәҙел Шаһиевҡа.

Өлкән йәштәгеләр төркөмөндә Гран-приға Йылайыр районынан Мөхәмәт Нәзиров эйә булды. Беренсе урынды Әбйәлил районынан Илдар Шакиров һәм Учалы районынан ижади трио: Яна Хөснөтдинова, Ләйлә Ситдиҡова һәм Карина Ғәйнетдинова яуланы. Икенсе урында – Дүртөйлө районынан Артур Рәхимйәнов, Әбйәлилдән Гүзәлиә Әхмәтйәнова, шулай уҡ Йылайырҙан трио: Алмас Такалов, Рәсим Сыңғыҙов һәм Филүс Ғәлиәскәров. Өсөнсө урынды Өфөнән Диана Айытҡолова, Йәрмәкәй районынан Руслан Мөхәмәтшин менән Эльвира Мөхәмәтйәнова составындағы дуэт һәм Бөрйән районынан трио: Диана Вәлитова, Дилбәр Хәкимова, Наилә Нурдәүләтова алды.

Коллективтар етәкселәре араһында Артур Мөхәмәтйәнов (Ишембайҙан «Тәйрүк») һәм Зөлфиә Ҡолбәйетова (Учалынан «Сулпылар») айырылып торҙо. Хореографтар араһында Йылайыр районынан Азамат Кәримов һәм Белореттан Рәйес Низаметдинов иң яҡшылар тип танылды.

#конкурстар #байыҡ #балалар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.