Башҡортостан һәм Өфө яңылыҡтары
78.84
0
93.01
0
68.28
-0.36
17+ °C
Болотло
Бөтә яңылыҡтар
Йәмғиәт
13 Июль 2010, 13:48

Башҡортостан еңел атлеттары Рәсәй беренселегендә миҙалдар яуланы

Пензала 1993–1994 йылғы спортсылар араһында еңел атлетика буйынса Рәсәй беренселеге тамамланды.
«Башинформ» агентлығына БР Йәштәр сәйәсәте, спорт һәм туризм министрлығының матбуғат хеҙмәтенән хәбәр итеүҙәренсә, был ярыштарҙа Рәсәйҙең 73 төбәгенән 750 самаһы спортсы ҡатнашҡан.
Команда иҫәбе буйынса 12 спортсынан торған Башҡортостан йыйылма командаһы 7-се урын алды. Шәхси беренселектә иһә Башҡортостан спортсылары уңышлыраҡ сығыш яһаны.
Стәрлетамаҡтан Алексей Кириллов ҡаршылыҡтар менән 2000 метрлыҡ дистанцияла беренсе булды (уның һөҙөмтәһе — 6.02,12).
Усман Усманов (Бөрө) бейеклеккә һикереүҙә «көмөш» яуланы (2 м 5 см). Зөлфирә Фазлитдинова 3000 метрға йүгереүҙә өсөнсө булып килде (10.15,15).
Шул арала Саранскиҙа еңел атлетика буйынса Рәсәй чемпионаты — Барселонала үтәсәк Европа чемпионатында ҡатнашыусы милли командаға һайлап алыу этабы башланды. Илебеҙҙең 60 төбәге спортсылары араһында Башҡортостан атлеттары ла бар. Чемпионат 15 июлгә тиклем дауам итәсәк.
Автор:Дмитрий Слезин
Читайте нас: