Башҡортостан Тверҙа һаулыҡ һаҡлауҙы мәғлүмәтләштереү тәжрибәһен күрһәтте

Гөлнур Ғәлиева

8 июлдә VII Тверь социаль-иҡтисади форумында «Рәсәй Федерацияһы һаулыҡ һаҡлау системаһында мәғлүмәт-коммуникация технологияларын үҫтереү һәм файҙаланыу» секцияһы эше сиктәрендә һаулыҡ һаҡлау өлкәһендә дәүләт хеҙмәтләндереүҙәрен, универсаль электрон карта файҙаланып, электрон төргә күсереү буйынса Башҡортостан Республикаһы тәжрибәһе тәҡдим ителде.

Республикала «Башҡортостан социаль картаһы» проектының медицина ҡушымтаһын индереүгә әҙерлек граждандарҙың льготаға эйә булған категорияларын өҫтәмә дарыуҙар менән тәьмин итеү федераль программаһын тормошҡа ашырыу сиктәрендә 2006 йылда уҡ башланғайны.

Һаулыҡ һаҡлау өлкәһендә 100-ҙән ашыу төрлө программа ҡарарҙары файҙаланыла, был мәғлүмәт-коммуникация технологияларын файҙаланыу өсөн күп фактик материалдар тупланыуы хаҡында һөйләй. Республикала бөгөн пациент һәм уға күрһәтелгән медицина хеҙмәтләндереүҙәре тураһында мәғлүмәт электрон төргә күсерелгән дә инде.

Хәҙерге ваҡытта «Башҡортостан социаль картаһы» проектының медицина ҡушымтаһы Өфө, Стәрлетамаҡ, Салауат, Мәләүез, Күмертау, Сибай ҡалалары һәм Шишмә районының айырым һаулыҡ һаҡлау учреждениеларында индерелгән.

Медицина ҡушымтаһын уңышлы тормошҡа ашырыуға 2009 йылдың июненән Башҡортостан Республикаһы баш ҡалаһы Өфөлә индерелгән «Берҙәм регистратура» проекты ла булышлыҡ итә, унда ҡаланың 46 муниципаль поликлиникаһы ҡатнаша, филиал селтәрен иҫәпкә алып – 116 дауалау-профилактика учреждениеһы. Был проектты шартлы рәүештә ике өлөшкә бүлергә мөмкин. Беренсеһе — кешеләрҙе табипҡа ҡабул итеүгә туранан-тура яҙыу, икенсеһе — медицина ярҙамы күрһәтеүҙең мониторинг системаһы. Икеһе лә бер маҡсатҡа өлгәшеүгә — халыҡҡа медицина ярҙамы күрһәтеү кимәлен арттырыуға йүнәлтелгән. Был ваҡыт эсендә Башҡортостан Республикаһының 3,6 миллиондан ашыу кешеһе табипҡа ҡабул итеүгә яҙҙырылды.

#форумдар #мәғлүмәтләштереү #һаулыҡ һаҡлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.