Башҡортостан һәм Өфө яңылыҡтары
53.77
+1.26
56.36
+1.72
111.63
+2.6
12+ °C
Болотло
Бөтә яңылыҡтар
Йәмғиәт
7 Июль 2010, 16:34

Башҡортостандың йәш экологтары Беларуссияға халыҡ-ара слетҡа барырға әҙерләнә

Республика балалар экология-биология үҙәге тәрбиәләнеүселәре халыҡ-ара йәш экологтар слетында ҡатнашыу өсөн Рәсәй йыйылма командаһына инде. Слет Беларусь Республикаһында 22 -29 июлдә үтәсәк.
Балалар был хоҡуҡҡа осраҡлы ғына лайыҡ булмаған. «Башинформ» агентлығына үҙәк директоры Екатерина Кошелеваның хәбәр итеүенсә, улар Ульяновск өлкәһендә үткән ошондай уҡ бөтә Рәсәй конкурсында уңышлы сығыш яһаған.
— «Зоология» номинацияһында — балаларҙа беренсе урын, «Ботаника»ла — икенсе, «Гидробиология»ла — дүртенсе, — ти Екатерина Кошелева. – Былар барыһы ла Рәсәйҙең 26 төбәге араһында дөйөм команда иҫәбе буйынса лайыҡлы өсөнсө урын алырға һәм илдең йыйылма командаһына инергә мөмкинлек бирҙе.
Автор:Эльмира Сабирова
Читайте нас в