Беларусь ҡоролоҡта Башҡортостанға ярҙам итергә әҙер

Беларусь Республикаһы ҡоролоҡ йылында Башҡортостанға ярҙам ҡулын һуҙырға әҙер. «Башинформ» агентлығына «Спадчына» Республика белорустары милли-мәҙәни үҙәге рәйесе Игорь Лясовичтың хәбәр итеүенсә, әлеге ваҡытта Башҡортостандағы белорустар диаспораһы инициативаһы менән Беларусь Республикаһының Рәсәй Федерацияһындағы Илселегенең Өфө ҡалаһындағы бүлексәһе аша белорус яғы менән Башҡортостанға кәметелгән хаҡтар буйынса ауыл хужалығы продукцияһын ҡайтарыу мөмкинлеге тураһында һөйләшеүҙәр алып барыла. Республикалағы уңышһыҙ һауа торошон һәм алдан көтөлгән кимәлдә уңыш йыйып булмаясағын иҫәпкә алғанда, бындай хеҙмәттәшлек ике яҡ өсөн дә отошло буласаҡ.