Башҡортостан – уҡыусылар олимпиадалары призерҙары һаны буйынса лидерҙар иҫәбендә

Эльмира Сабирова

Башҡортостан 2010 йылда Бөтә Рәсәй уҡыусылар олимпиадаларында еңеүселәр һәм призерҙар иҫәбе буйынса илдең тәүге ун төбәге иҫәбенә инде. Был турала БР Мәғариф министрлығының дөйөм мәғариф бүлеге начальнигы урынбаҫары Наталья Кот хәбәр итте.

— Олимпиаданың йомғаҡлау этабында дүрт еңеүсе һәм 28 призер Рәсәй Федерацияһы төбәктәре рейтингында туғыҙынсы урын яулау мөмкинлеге бирҙе, — тип билдәләне Наталья Алексеевна. — Беҙ уны Новосибирск өлкәһе менән уртаҡлашабыҙ. Беҙҙең егеттәр сығыштар һөҙөмтәлелеге буйынса ла билдәләнде. Башҡортостандан Бөтә Рәсәй олимпиадаһында ҡатнашыусы 85 баланан 3/4 өлөшө республика этабындағы үҙ һөҙөмтәләрен аҡланы.

Быйыл айырыуса хоҡуҡ буйынса (бер еңеүсе һәм алты призер) һәм экология буйынса (ике еңеүсе һәм өс призер) командалар ҙур уңышҡа өлгәште. Өфөнөң 39-сы гимназияһының ун беренсе синыф уҡыусыһы тәүге тапҡыр республикаға инглиз теле буйынса еңеүсе дипломы килтерҙе.

Бынан тыш, төбәктән ике уҡыусы Рәсәй йыйылма командаһына кандидат итеп һайлап алынды.

— Нефтекаманың 1-се лицейынан туғыҙынсы синыф уҡыусыһы Дмитрий Бикметов — биология, Өфөнөң 3-сө гимназияһынан туғыҙынсы синыф уҡыусыһы Дмитрий Шурпанов – физика буйынса йыйылма командаға, — тип аныҡлап әйтте Наталья Кот. — Ихтимал, быйыл йәш критерийҙары буйынса улар командаға индерелмәҫ, сөнки улар башлыса ун беренсе синыф уҡыусыларынан тора, әммә был малайҙарҙың потенциалы бик ҙур. Киләсәктә улар халыҡ-ара олимпиадаларҙа ил йыйылма командаһы намыҫын яҡлап сығыш яһарҙар, тип өмөтләнәбеҙ.

#мәғариф

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.