БАГСУ-ла менеджментты үҫтереү буйынса семинар үтәсәк

Башҡортостан Республикаһы Президенты ҡарамағындағы Башҡортостан дәүләт хеҙмәте һәм идара академияһы (БАГСУ) менән берлектә халыҡ хужалығы ойошмалары өсөн идара итеүсе кадрҙар әҙерләү президент программаһы сығарылышы ассоциацияһы менән ойошторолған “Башҡортостан Республикаһы топ-менеджментының профессиональ үҫеше” асыҡ майҙансығы БАГСУ-ла 6 июлдә үтәсәк. Сараның маҡсаты – Башҡортостан Республикаһының идара итеүсе йәш кадрҙарын туплау.

Осрашыу барышында БР Президенты ҡарамағындағы Дәүләт советнигы Сергей Лаврентьевтың, БР Президенты хакимиәтенең кадрҙар менән тәьмин итеү бүлеге мөдире Рим Әлмөхәмәтовтың, шулай уҡ кадрҙар хеҙмәте етәкселәренең, академияның профессорҙар-уҡытыусылар составының, сәйәси консультанттарҙың, бизнес-тренерҙарҙың сығышы планлаштырылған.

Асыҡ майҙансыҡта дәүләт хеҙмәте һәм уның перспективалары, сәйәси карьера, шулай уҡ менеджерҙар әҙерләүҙең яңы программалары һәм сит илдә уҡыу менән бәйле мәсьәләләр тикшереләсәк.