«Ғәскәровсылар» Көньяҡ Кореяға гастролгә сыға

Әлфиә Әһлиуллина

30 июндән 7 июлгә тиклем Көньяҡ Кореяла Фәйзи Ғәскәров исемендәге Дәүләт академия халыҡ бейеүҙәре ансамбленең гастролдәре үтәсәк. Ансамбль концерты Рәсәй Мәҙәниәт министрлығы саралары сиктәрендә һәм Рәсәй Федерацияһы менән Корея Республикаһы араһында рәсми дипломатик мөнәсәбәттәр урынлыштырылыуының 20 йыллығына ҡарата ойошторола.

Артистар байрам концерттары менән Сеулда — Көньяҡ Кореяның баш ҡалаһында һәм Кимхи ҡалаһында –Корея ярымутрауының көньяҡ-көнсығышында сығыш яһаясаҡ.

— Ҡунаҡсыл Корея халҡы менән иң йылы мөнәсәбәттәр булдырырбыҙ, тип ышанам, — ти Фәйзи Ғәскәров исемендәге Дәүләт академия халыҡ бейеүҙәре ансамбле директоры урынбаҫары Радик Шәрәфетдинов.

Кореяға «ғәскәровсылар» “Рәсәй халыҡтарының милли бейеүҙәре” исемле яңы программаһын әҙерләгән. Унда Рәсәй хореографик мәҙәниәттең “алтын фондын” тәшкил иткән классик әҫәрҙәр ингән. Улар араһында рус, татар, молдаван, украин һәм, әлбиттә, башҡорт бейеүҙәре бар.

Өҫтәп китәйек, 70 йыл дауамында Фәйзи Ғәскәров ансамбле бар донъяға күп милләтле Рәсәй халҡын ғына түгел, иң юғары кимәлдә башҡорт хореография сәнғәтен дә күрһәткән. Ер шарының бар континенттарында Башҡортостандың мәҙәни бәйләнештәрен дә тәүгеләрҙән булып "ғәскәровсылар” асҡан.

1 из 2

#гастролдәр

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.