Башҡортостандың Милли музейы Иран биҙәү-ҡулланма сәнғәте күргәҙмәһен тәҡдим итә

Әлфиә Әһлиуллина

Башҡортостан Республикаһының Милли музейында Ирандың биҙәү-ҡулланма сәнғәте күргәҙмәһе асылды. Ул Иран Ислам Республикаһының Рәсәй Федерацияһындағы Мәҙәни вәкиллеге менән берлектә ойошторолған һәм Иран Ислам Республикаһының Мәҙәни вәкиллеге башлығы Абуз Торкоман Ибраһиминың Башҡортостанға килеүенә тап килтерелгән.

БР Милли музейының күргәҙмәләр бүлеге мөдире Алһыу Мөфтәхова әйтеүенсә, Иран экспозицияһына боронғо технологиялар һәм традицияларға нигеҙләнеп, ошо арала ҡулдан эшләнгән биҙәү-ҡулланма сәнғәте әйберҙәре – ваза һәм батмустар, самауыр – чжом, төрлө биҙәктәр төшөрөлгән табаҡтар, шулай уҡ боронғо туҡыусылыҡ өлгөләре, Ҡөрьәнде ҡуйыуға аҫ, китаптар ингән.

Ғәрәп теле каллиграфияһының төрлө өлгөләре тупланған Ҡөрьән - күргәҙмәләге иң ҡиммәтле экспонаттарҙың береһе.

Фарсы сәнғәт мәктәбе традицияларында тәрбиәләнгән хәҙерге Иран рәссамы Мәхмүд Фаршчияндың картиналары экспозицияла айырым урын алып тора. Автор Иран һынлы сәнғәте үҫешенә үҙенең өлөшөн индергән — уның һынландырыу, тасуирлау мөмкинлектәрен киңәйткән, эстәлеген байытҡан.

Рәссамдың эштәре Алжир, Вашингтон, Вена, Карачи, Киев, Милан, Мюнхен, Нью-Йорк, Париж, Рим, Истанбул, Тегеран, Флоренция һәм башҡа ҡалаларҙа бер нисә тапҡыр күрһәтелгән.

Мәхмүд Фаршчиян әҫәрҙәре Бөйөк Британия королеваһы Елизавета II, Нидерландтар королеваһы Юлиана, Япония императоры Акихито коллекцияларында, шулай уҡ билдәле художество музейҙарында һәм шәхси коллекционерҙарҙа һаҡлана.

#күргәҙмәләр #бр милли музейы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.