Хәрби иҫәпте ойоштороу буйынса Башҡортостанға РФ-ла беренсе урын бирелгән

РФ Оборона министрының 2010 йылдың 31 майындағы 585-се һанлы бойороғона ярашлы, Рәсәй Федерацияһы субъекттары араһында хәрби иҫәпте иң яҡшы ойоштороуға конкурс-тикшереү йомғаҡтары буйынса Башҡортостан Республикаһына беренсе урын бирелгән, тип хәбәр итә Башҡортостан Республикаһы хәрби комиссариатының матбуғат хеҙмәте. РФ Хөкүмәтенең 2006 йылдың 27 ноябрендәге 719-сы һәм РФ Оборона министрының 2007 йылдағы 500-сө ҡарарҙарына ярашлы, конкурс Рәсәй Федерацияһы субъекттарының башҡарма власть органдары, урындағы үҙидара органдары, хәрби комиссариаттар менән берлектә Рәсәй Федерацияһы Ҡораллы Көстәренең хәрби идаралығы органдары менән үткәрелде.

Был һөҙөмтәләргә Башҡортостан Республикаһы башҡарма власть органдары һәм хәрби комиссариаттың, муниципаль район һәм ҡала округтары буйынса хәрби комиссариат бүлексәләре менән урындағы үҙидара органдарының берлектәге һәм яйға һалынған эше арҡаһында өлгәшелгән.