«Урал моңо-2010» башланды

Әлфиә Әһлиуллина

Өфөлә төрки йәштәрҙең «Урал моңо–2010» Халыҡ-ара музыкаль ижад конкурс-фестивале башланды. Уны асыу тантанаһы Хөсәйен Әхмәтов исемендәге Башҡорт дәүләт филармонияһының Ҙур залында үтте. Ошонда уҡ конкурсанттар өсөн беренсе һайлап алыу туры үткәрелде.

«Урал моңо-2010»да ҡатнашыусыларҙы һәм ҡунаҡтарҙы тәбрикләп Башҡортостан Республикаһы мәҙәниәт һәм милли сәйәсәт министры урынбаҫары Розалия Биглова сығыш яһаны. Ул барыһына ла ҡыҙыҡлы ижади көрәш, фестиваль көндәрендә яңы тәьҫораттар һәм күтәренке кәйеф теләне.

— Өфөлә «Урал моңо» халыҡ-ара форумын үткәреү ойоштороусыларҙың тырышлығы, Башҡортостан Республикаһы етәкселеге, ТӨРКСОЙ халыҡ-ара ойошмаһы яғынан ҙур иғтибар бирелеү арҡаһында изге традицияға әйләнде. Рәсәй Мәҙәниәт министрлығы быйылдан башлап беҙҙең фестивалде “Рәсәй мәҙәниәте” федераль маҡсатлы программаһына индерҙе, — тип һыҙыҡ өҫтөнә алды Розалия Рәсүлйән ҡыҙы.

15 йыл эсендә «Урал моңо» ябай ижади ярыштан туғандаш төрки халыҡтарҙы берләштереүсе ҙур халыҡ-ара проект булып үҫеште, Башҡортостанды асыҡ һәм ҡунаҡсыл республика итеп күрһәтте.

Быйыл фестивалгә 15 төрки телле илдән һәм Рәсәй төбәктәренән 60-лап вокалсы йыйылды. Улар араһында Ҡаҙағстан, Төркмәнстан, Азербайжан, Ҡырым Автономиялы Республикаһы (Украина), Бурятия, Тыва, Хакасия, Татарстан, Марий Иле, Алтай, Дағстан, Чечня, Якутия, Ҡабарҙа-Балҡар, Ҡарасәй-Черкесия, Ставрополь крайы вәкилдәре бар.

Фестиваль саралары республика баш ҡалаһында өс көн барасаҡ. Иртәгә, 4 июндә, «Урал моңо-2010»да ҡатнашыусыларҙы репетициялар һәм икенсе һайлап алыу туры көтә. Уның йомғаҡтары буйынса финалсылар — конкурс программаһы фавориттары билдәләнәсәк.

5 июнь, конкурс-фестивалдең йомғаҡлау көнө, ҡатнашыусылар өсөн дә, тамашасылар өсөн дә тулҡынландырғыс буласаҡ. Был кистә сираттағы XV «Урал моңо-2010» фестивале еңеүселәренең һәм Гран-при яулаусының исемдәре билдәле буласаҡ.

#конкурстар #вокаль оҫталыҡо #«урал моңо»

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.