Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Йәмғиәт
4 Июнь 2010, 12:57
I тур йомғаҡтары буйынса «Урал моңо-2010» фавориттары билдәләнде
I конкурс көнө йомғаҡтары буйынса тамашасылар үҙҙәре өсөн төрки йәштәрҙең «Урал моңо-2010» Халыҡ-ара музыкаль ижад фестивале фавориттарын билдәләне. Күпселек фекере буйынса лидерҙар иҫәбенә солистар Юлиана Кривошапкина (Саха (Якутия), Айдамир Сингл (Тыва), Бекзат Оспанов (Ҡаҙағстан), Юнир Һағынбаев һәм «Бельбек» ансамбле (Ҡырым-Украина) инде.
Башҡортостан вәкилдәренән призлы урынға шулай уҡ «Арғымаҡ» этно-рок төркөмө дәғүә итә, тип иҫәпләй башҡорт музыка сәнғәтен һөйөүселәр. Улар төркөмдөң 4 июндә Хөсәйен Әхмәтов исемендәге Башҡорт дәүләт филармонияһының Ҙур залында үтәсәк II һайлап алыу турында сығышына ҙур өмөт бағлай.
Жюри ағзаһы Абай Әмирхановтың (Ҡаҙағстан) һүҙҙәренә ҡарағанда, «Урал моңо-2010»дың икенсе конкурс көнө бик ҡыҙыҡлы булырға оҡшай.
— Конкурсанттарҙың күбеһе ярайһы уҡ көслө һәм яҡшы әҙерлекле. Финалға сығыу өсөн бөгөнгө ижади ярыш көсөргәнешле булды, – тип иҫәпләй Абай Ғәзиз улы.
Автор:
Әлфиә Әһлиуллина
Теги:
фестивалдәр
Читайте нас: