Среда, 20 Мая 2026

Уфа

+26 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

05:59 (UTC+5), 02 Июня 2010

Нуриев фестивале «La marionnette» балеты премьераһы менән асылды

Әлфиә Әһлиуллина, Альда Вәлиева

Өфөлә Рудольф Нуриев исемендәге сираттағы ХVI Халыҡ-ара балет сәнғәте фестивален «La marionnette» («Марионетка») балеты премьераһы асты. Игорь Стравинский музыкаһына яңы спектакль нигеҙенә «Петрушки» мотивтары буйынса либретто һалынған.

Сәхнәлә — Башҡорт дәүләт опера һәм балет театрының балет труппаһы.

Залда ла абруйлы тамашасылар йыйылған. Нуриев фестивален асыуға хөрмәтле ҡунаҡтар – БР Хөкүмәте Премьер-министры урынбаҫары – мәҙәниәт һәм милли сәйәсәт министры Илдус Илешев, Мәскәүҙән балет тәнҡитсеһе Александр Максов, Германиянан бейеүсе Дину Тамазлакару, «Голос России» радиоһы комментаторы Елена Ларина, башҡорт балеты ветерандары, билдәле сәнғәт белгестәре, киң мәғлүмәт саралары вәкилдәре һәм башҡалар саҡырылған.

Әйтергә кәрәк, Өфө постановкаһы ҡанунлаштырылған спектаклдән ныҡ ҡына айырыла. Иң элек, был «тулы метражлы» ике актлы балет. Бының өсөн «Петрушки» музыкаль тексынан тыш, Игорь Стравинскийҙың бер нисә симфоник әҫәренән тағы ете фрагмент файҙаланылған.

Йәш ҡуйыусы балетмейстер Ринат Абушахманов, Өфө «Том Сойер»ы һәм тағы бер нисә концерт номеры авторы, яңы эшкә бик етди ҡараған. Яңы спектаклде ҡуйыусы дирижер Герман Ким менән бергә ул музыкаль әҫәрҙәрҙе һайлап алған.

— Музыканы һайлағанда, тәбиғи, балетмейстер драматургияһынан сығып ҡараныҡ, — ти Герман Ким. – Музыка стиле буйынса төрлө булыуға ҡарамаҫтан, беҙ ҡушылған урындары күренмәҫлек итеп яһарға тырыштыҡ. Был әҫәрҙәр бик матур яңғырай. Тәүге репетициянан уҡ мин оркестрҙың ҡыҙыҡһыныусанлығын тойҙом – был гениаль музыканы беҙ әле театрҙа уйнағаныбыҙ юҡ бит. Тамашасы был яңылыҡты ҡабул итер, тип ышанам.

Премьера спектакленә декорацияларҙы һәм костюмдарҙы рәссам Фәниә Низамова әҙерләгән. Йәрминкә колориты урбанистик мотивтар менән алмашына. Петрушка, Арап, Балерина – улар хәҙерге ҡаланың хәҙерге кешеләре. Шуға ҡарамаҫтан, костюмдарҙа тәүге сығанаҡ эҙҙәре лә һиҙелә.

Премьера спектакле театрҙа бөгөн дә, 2 июндә лә, күрһәтелә.

1 из 16

#фестивалдәр #балет

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.