Кесе йома, 30 Апрель 2026

Өфө

+9 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Йәмғиәт

10:20 (UTC+5), 26 Май 2010

Президент ҡулынан миҙалдар һәм сәскәләр

Эльмира Сабирова

Шаршамбы көнө, 26 майҙа, Республика йортонда “Әсәлек даны” миҙалдарын тапшырыу тантанаһы үтте. Был матур сара традиционға әйләнеүгә ҡарамаҫтан, һәр юлы ул үҙенсә тулҡынландырғыс үтә, күп балалы әсәләр бер ваҡытта ла үҙ хистәрен йәшермәй бит. 85 тантана һәм биш мең самаһы наградланыусы.

Президент ҡулынан награда алырға Өфөгә бөгөн Башҡортостандың 29 районынан күп балалы әсәләр килде. Әйтергә кәрәк, бөгөнгө 60 героиня араһында элекке союздаш республикалар – Төркмәнстан, Үзбәкстан, Ҡаҙағстан, Тажикстан вәкилдәре лә байтаҡ булды. Улар барыһы ла яҙмыш ҡушыуы буйынса Башҡортостанға йәшәргә килгән һәм быға һис тә үкенмәй. Президент ҡулынан награда алып, Дыуан районынан Саодат Хаитова, республикала йәшәгән ете йыл эсендә кире, Үзбәкстанға, ҡайтып китергә тигән уй башыбыҙға инеп тә сыҡманы, ти.

— Бында балаларыбыҙға яҡшы, уларға Башҡортостанда йәшәүе оҡшай, — тип таныны ул. – Етмәһә, күп балалы ғаиләләргә бында ҡараш айырыуса яҡшы.

Был теманы дауам итеп, Мортаза Рәхимов, үҙ ғүмерҙәрен балаларға арнаған ҡатын-ҡыҙҙар йәмғиәттә юғары хөрмәткә лайыҡ, тип билдәләне.

Иң күп наградланыусылар һаны – етешәр кеше – Әбйәлил һәм Дыуан райондарынан булды. Ейәнсура районынан алты ҡатын-ҡыҙ килгән. Күп әсәләрҙең — бишәр бала, әммә алтау тәрбиәләгәндәр ҙә бар.

Асҡын районынан Рәфидә Хажиәхмәтова Президент менән үҙенең шатлыҡлы хәбәрен дә уртаҡлашты.

— Торлаҡ төҙөүгә бүленгән субсидия арҡаһында беҙ ҙур һәм яҡты йорт һалып сыҡтыҡ – хәҙер барыбыҙға ла урын етә, — тине күп балалы әсәй.

— Бин башҡаса тормошто күҙ алдына килтерә алмайым, — ти ғорурланып Ейәнсура районынан биш бала әсәһе Гөлсимә Ишмырҙина. — Мин балаларым менән йәшәйем, улар менән бергә шатланам һәм ҡайғырам. Ниндәй генә баҫҡыстарға үрләһәң дә, бер эштән дә бындай күңел йыуанысы алып булмай, бала – һинең тормошоңдоң дауамы. Беҙ ирем менән ҙур ғаилә тураһында хыялландыҡ, сөнки үҙебеҙ ҙә күп балалы ғаиләнән. Балаларға һөйөү, ғаиләлә ихтирам – был иң мөһиме.

Хәйбулла районынан Миләүшә Зөлҡәрнәева әйтеүенсә, күп балалы әсә булыу – ул ҙур хеҙмәт.

— Ләкин ул ер йөҙөндә иң мөһиме, — тип иҫәпләй ул. — Балаларым бергә йыйылышып, мине ҡосаҡлап: «Әсәй, ярай әле һин беҙҙең барыбыҙҙы ла тапҡанһың!» – тиһәләр, донъя йөҙөндә минән бәхетлерәк кеше юҡ һымаҡ. Был минең өсөн иң юғары награда.

1 из 16

#наградлауҙар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.