Ай башынан алып һыуҙа 17 кешенең ғүмере өҙөлгән

Эльмира Сабирова

Ай башынан алып республика һыу ятҡылыҡтарында 17 кеше һәләк булған, шуларҙың береһе бала, 15 кеше ҡотҡарылған.

Ғәҙәттән тыш хәлдәр министрлығының БР буйынса Баш идаралығынан хәбәр итеүҙәренсә, күңелһеҙ статистика кешеләрҙең ябай хәүефһеҙлек ҡағиҙәләрен үтәмәүе арҡаһында һәләк булыуын йәнә бер раҫлай.

— Һыу инеү миҙгеле республикала асылмаған әле, — ти матбуғат хеҙмәте хеҙмәткәре Алина Ғәниева. — Әлеге ваҡытта пляждар һәм кеше күпләп ял иткән урындарҙы асыуға әҙерлек алып барыла.

Шаршамбы, 19 майҙа, берҙәм дежур-диспетчер хеҙмәтенә Стәрлебаш районының Корнеевка ауылында ҡаза булыуы тураһында хәбәр килде.

— Дуҫтар компанияһы ял итеү өсөн йыһазландырылмаған быуаның яр буйында ял итә, — ти Алина Ғәниева. — Көндөҙ, бер аҙ һыуынырға теләп, 22 йәшлек йәш кеше һыуға инә. Көтмәгәндә ул бата башлай. Үкенескә күрә, дуҫтарының ҡотҡарырға теләүе уңыш менән тамамланмай. Батҡан кешенең кәүҙәһен киске эңерҙә туғандары ярҙан 50 метр алыҫлыҡта таба.

Ҡотҡарыусылар һыу инергә яратыусыларҙы иҫкәртә: йыһазландырылған ҡомлоҡтарҙа ғына һыу инегеҙ, айыҡ булмаған хәлдә һыуҙан алыҫ тороғоҙ, балаларығыҙҙы күҙ уңынан ысҡындырмағыҙ.

#ғәҙәттән тыш хәлдәр министрлығы хәбәр итә

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.