Ирәмәл түбәһендә «Роза ветров» экологик акция үткәрә

Ғәлиә Нәбиева

Ирәмәл тауы — республиканың ғорурлығы һәм матурлығы. Әммә тәбиғәт менән аралашыуҙан шатланып өлгөрмәйһең, ҡайһы бер йүнһеҙ әҙәмдәрҙең «Бында Вася булып китте…» кеүек яҙыуҙарын күреп, кәйеф ҡырылып та өлгөрә. «Роза ветров» компанияһынан активистар хәлде төҙәтергә һәм тәбиғәтте һүҙ ҡыйынан таҙартырға ҡарар итте. Был ял көндәрендә Ирәмәлдә экологик акция үтәсәк. Республиканың туристик берләшмәһе теләүселәрҙең барыһын да унда ҡатнашырға саҡыра. Ойоштороусылар замандаштарыбыҙҙың ҡаяларҙа ҡалдырған яҙыуҙарын бөтөрөү өсөн кәрәкле бөтә нәмә менән тәьмин итергә вәғәҙә итә. Паяльниктар, тимер щеткалар, иреткестәр, сүп-сар өсөн тоҡтар һәм бейәләйҙәр әҙерләнгән дә инде.

Акция йома көнө кис башлана. Ирәмәлгә үҙ транспортыңда йәки автобуста барырға мөмкин, ул Зорге урамы, 26-сы йорт адресы буйынса урынлашҡан «Роза ветров» магазинынан 18 сәғәт 30 минутта ҡуҙғала. Автобуста барыу түләүле.

Ҡарағай йылғаһы яры буйында тау итәгендә палаткалар лагеры ойоштороласаҡ. Усаҡ яғып ашарға әҙерләргә мөмкин.

Акция үҙе шәмбе иртәнсәк башлана. Ә эштән һуң туристарҙы усаҡ эргәһендә гитара менән ял көтә. Туранан-тура асыҡ күк аҫтында Ирәмәл тураһында фильмдар ҡарау ойоштороласаҡ.

Ә йәкшәмбе турист-экологтар иҫ киткес матур Ларкин тарлауығына юл тотасаҡ, унда ла ҡаяларҙы яҙыуҙарҙан таҙартып, һуңынан һыу инәсәк. Шунан һуң ҡайтыуға юлға сығасаҡтар. Ентекле мәғлүмәт алыу һәм ҡатнашыуға заявка ҡалдырыу өсөн www.rozavetrov.ru сайтына инергә йәки 223 73 26 телефоны аша шылтыратырға мөмкин.

1 из 2

#туризм #экология #акциялар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.