Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
1+ °C
Ҡар
Бөтә яңылыҡтар
Йәмғиәт
7 Май 2010, 12:18

Белорет районында янғын ике кешенең ғүмерен өҙгән

Белорет районының Үрге Әүжән ауылында шәхси хужалыҡтарҙың береһендә фажиғәғә килтергән янғын үткән.
«Башинформ» агентлығына РФ Ғәҙәттән тыш хәлдәр министрлығының Башҡортостан Республикаһы буйынса Баш идаралығынан хәбәр итеүҙәренсә, хужаның ҡунаҡҡа ҡайтҡан 31 йәшлек ҡустыһы иртән шау-шыуға уяна. Бүлмә төтөнгә тулған була. Ир урамға сығыуға өлгәшә.
Йорт өҫтөнән төтөн күтәрелеүен күршеләр күрә һәм янғын һағына шылтырата. Янғын һүндереүселәр утты һүндереү барышында 48 йәшлек хужаның һәм уның 35 йәшлек ҡатынының мәйетен таба. Уттан сыға алған ир-егет янған продукттарҙың төтөнөнән ағыуланған, шунда уҡ дауаханаға алып барылған.
Йорттағы мөлкәт, ҡыйыҡ уттан зыян күргән. Тәфтишселәр янғын сәбәбен асыҡлай.
Автор:Юлай Мәғсүмов
Читайте нас: