Еврокомиссия журналистар өсөн Лоренцо Натали исемендәге премияға конкурс тураһында иғлан итә

Любовь Колоколова

3 майҙа, Бөтә донъя матбуғат азатлығы көнөндә, Европа Комиссияһы 2010 йылғы Лоренцо Натали исемендәге премияға конкурс башланыуы тураһында рәсми иғлан итте. Был халыҡ-ара премия «Репортёры без границ» ойошмаһы һәм Бөтә донъя газета ассоциацияһы менән партнерлыҡта үҫеш, демократия һәм кеше хоҡуҡтары мәсьәләләрен яҡтыртҡан иң яҡшы журналистарға бирелә.

«Лоренцо Натали исемендәге премия менән бүләкләп, Европа Комиссияһы йәмғиәт, демократия һәм кеше хоҡуҡтарын үҫтереү эшенә өлөш индергән журналистарға хөрмәт күрһәтә. Уларҙың күптәре йыш ҡына ауыр шарттарҙа эшләй, — ти Европа Комиссияһының үҫеш мәсьәләләре өсөн яуап биреүсе ағзаһы Андрис Пиебалгс. — Беҙ уларға фәҡирлеккә ҡаршы көрәш хаҡына мәғлүмәт биреүҙәрен дауам итһендәр өсөн ярҙам итергә теләйбеҙ».

Лоренцо Натали исемендәге премия – 1992 йылда булдырыған халыҡ-ара награда. Конкурста телевидениела, радиола, баҫма һәм онлайн киң мәғлүмәт сараларында эшләгән журналистар ҡатнаша ала. Былтыр был конкурста 130 илдән 1000 журналист ҡатнашты.

Ҡыҙыҡһынған журналистар быйыл 31 авгусҡа тиклем ҡатнашыуға заявка бирә ала (мәғлүмәт http://www.nataliprize2010.eu сайтында бирелгән). Еңеүселәрҙең исемдәре декабрь айында Брюсселдә Андрис Пиебалгс ҡатнашлығында үтәсәк наградлау тантанаһында иғлан ителәсәк.

Дөйөм 60000 евро күләмендә приздар Европанан, Африканан, ғәрәп донъяһынан һәм Яҡын Көнсығыш, Азия, Латин Америкаһы һәм Кариб бассейны илдәренән 17 журналисҡа биреләсәк.

Хәтерегеҙгә төшөрәбеҙ, Лоренцо Натали (1922–1990) – Европа Комиссияһы ағзаһы, һуңынан 1976 йылдан 1989 йылға тиклем Комиссияның вице-рәйесе, бер нисә йыл хеҙмәттәшлек һәм үҫеш мәсьәләләре өсөн яуаплы булды.

1 из 2

#конкурстар #киң мәғлүмәт саралары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.