Вторник, 21 Апреля 2026

Уфа

+10 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Төп бит/Йәмғиәт

11:47 (UTC+5), 09 Апреля 2010

Өфөлә эскелек мәсьәләһен тикшерҙеләр

Сергей Захаров

Бөгөн Өфөлә «Алкоголизм һәм йәмғиәттең социаль-әхлаҡи һаулығы» темаһына арналған төбәк-ара ғилми-ғәмәли конференция үтте.

Уны Башҡортостан урыҫтары Соборы, БР Фәндәр академияһы, Башҡортостан Дәүләт Йыйылышы –Ҡоролтай, Бөтә донъя башҡорттары ҡоролтайы, БР Мәҙәниәт һәм милли сәйәсәт министрлығы, БР Мәғариф министрлығы, БР Һаулыҡ һаҡлау министрлығы, БР Йәштәр сәйәсәте, спорт һәм туризм министрлығы, БР буйынса Эске эштәр министрлығы, БР Ҡатын-ҡыҙҙар союзы, БР Халыҡтар дуҫлығы Йорто, БР Балалар фонды, “Алкоголизм һәм накоманияға – юҡ” хәйриә фонды, Айыҡлыҡ өсөн көрәш Союзының Башҡортостан бүлеге, БР “Белем” йәмғиәте ойошторҙо.

Конференцияла Рәсәйҙең һәм Башҡортостандың 15 ҡалаһынан дәүләт һәм муниципаль власть органдары, йәмәғәт һәм дини ойошмалар, фән, мәғариф, медицина учреждениелары ҡатнашты.

Илленән ашыу доклад һәм мәғлүмәт тыңланды. Төп һорауҙар ғаиләләге, балалар һәм йәштәр мөхитендәге алкоголизмға, алкоголизм нигеҙендә ҡылынған енәйәттәргә, йәмғиәттең әхлаҡи һәм дини яҡтан сәләмәтләнеүенә, был өлкәлә учреждениелар һәм йәмәғәт ойошмаларына бурыстар ҡуйыу кеүек мәсьәләләргә ҡағылды.

Бөтә донъя һаулыҡ һаҡлау ойошмаһы иҫәпләүҙәре буйынса, Рәсәйҙә алкоголь ҡулланыу кимәле юғары булып ҡала һәм йылына кеше башына 16,2 литр тәшкил итә. Шул уҡ мәлдә беҙҙең ил донъяла иң күп эсеүсе лә түгел. Ләкин эскелек йәмғиәт сәләмәтлегенә, бер нисә этносҡа һәм дәүләт хәүефһеҙлегенә янай.

Фәнни тикшеренеүҙәр буйынса, Башҡортостандың 19 процент халҡы ғына иҫерткес эсемлектәр ҡулланмай. Шул уҡ мәлдә һәр икенсе кеше ял көндәрендә даими эсә - асыҡлап әйткәндә, был 65% ҡатын-ҡыҙ һәм 50% ир-егеттәр. Бынан тыш, ирҙәрҙең 10 проценты һәм ҡатындарҙың 1,6 проценты алкоголь эсемлектәрҙе көн дә ҡуллана.

Конференция сиктәрендә мәғариф, медицина белгестәре һәм йәмәғәт эшмәкәрҙәренең алкоголизм проблемаларын хәл итеү буйынса эш тәжрибәләре тураһында мәғлүмәт тыңланды.

Йыйылышта ҡатнашыусылар эскелекте профилактикалау буйынса властың республика һәм муниципаль органдарына тәҡдимдәрен индереп, резолюция ҡабул итте.

Конференция төрлө кимәлдәге һәм төрлө тармаҡтағы власть вәкилдәренә һыраны алкоголь эсемлектәр иҫәбенә индереү тураһында федераль закон сығарыуҙы һәм алкоголь продукцияһын етештереү һәм реализациялауға дәүләт монополияһын индереү тураһында закон ҡабул итеүҙе һорап мөрәжәғәт итте.

1 из 12

#конференциялар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.