69.55
-0.58
80.7
-1.04
85.52
-0.88
0 °C
Болотло
Бөтә яңылыҡтар
Йәмғиәт
29 Март 2010, 17:11

“Башҡорт теле һәм әҙәбиәте йыл уҡытыусыһы” төбәк-ара конкурсы башлана

Өфөлә йыл һайын үткәрелеп килгән “Башҡорт теле һәм әҙәбиәте йыл уҡытыусыһы-2010” төбәк конкурсы башлана. Уны тантаналы асыу 30 мартта Рәми Ғарипов исемендәге Республика башҡорт гимназия-интернатында үткәрелә. Ошонда уҡ педагогик ярышта ҡатнашыусылар “Ижади йөкләмә” һәм “Инновацион тәжрибәне күрһәтеү” конкурстарында жюри алдына баҫасаҡ. Унан һуңғы көндәрҙә һәр ҡатнашыусы «Мастер-класс», «Халыҡ алдындая лекция» һәм «Фекер алышыуҙар» һынауҙарын үтәсәк.
Башҡорт теле һәм әҙәбиәте уҡытыусылары араһында оҫталыҡ конкурсы 2 апрелдә тамамлана. Уны ябыу тантанаһы Мәжит Ғафури исемендәге Башҡорт дәүләт академия драма театрында үткәреләсәк.
Конкурста Башҡортостандың төрлө ҡалаларынан һәм райондарынан, Һамар, Ырымбур һәм Силәбе өлкәләренән 63 педагог ҡатнаша.
Автор:Әлфиә Әһлиуллина