70.86
-0.13
82.5
-0.14
85.66
+1.05
10+ °C
Облачно
Бөтә яңылыҡтар
Йәмғиәт
26 Март 2010, 14:23

Башҡортостан Президенты Мортаза Рәхимов уҡытыусыларға наградалар тапшырҙы

Башҡортостан Президенты Мортаза Рәхимов бөгөн Өфөнөң Конгресс-холында барған Башҡортостан Республикаһы уҡытыусыларының Х съезы пленар ултырышы барышында республиканың төрлө ҡалалары һәм ауылдарынан иң яҡшы уҡытыусыларға наградалар тапшырҙы.
Салауат педагогия колледжының директор урынбаҫары Татьяна Тиссен Президент ҡулынан «РФ-тың атҡаҙанған уҡытыусыһы» маҡтаулы исеме бирелеүе тураһында танытма һәм билдә алды. Балаҡатай районы Яңы Балаҡатай ауылының 1-се урта дөйөм белем биреү мәктәбе директоры Эдуард Балтачевҡа Мортаза Рәхимов БР Маҡтау грамотаһын тапшырҙы. Йәнә һигеҙ кеше «БР-ҙың атҡаҙанған уҡытыусыһы» маҡтаулы исеменә лайыҡ булды.
Президент наградалар алған уҡытыусыларҙы ҡотлап, уларҙың еңел булмаған, әммә шундай кәрәкле эшендә артабан да уңыштар теләне.
Автор:Евгений Рәхимҡолов