Среда, 16 Сентября 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Последние новости

Төп бит/Йәмғиәт

10:35 (UTC+5), 19 Марта 2010

Йәштәр сәләмәт йәшәү рәүешен һайлай

Өфөнөң Нефтселәр Мәҙәниәт һарайында сәләмәт йәшәү рәүешен пропагандалауға йүнәлтелгән йәштәр сараһы үтте.

— Бындай сараны беҙ икенсе тапҡырына үткәрәбеҙ, – ти ойоштороусыларҙың береһе Илдар Сафин. – Был сараның маҡсаты – сәләмәт йәшәү рәүешен модаға индереү һәм уға мөмкин тиклем күберәк йәштәрҙе ылыҡтырыу. Беҙ наркотиктар һәм алкоголь ҡулланмаҫҡа саҡырып яҙылған дискылар, гәзиттәр, буклеттар таратабыҙ. Беҙҙең башланғысыбыҙ ғалимдарҙа һәм йәмәғәт ойошмаларында, ә иң мөһиме, Башҡортостан йәштәрендә яҡлау тапты.

Сараны ойоштороусы булып Бөтә донъя башҡорттары ҡоролтайы Башҡарма комитеты ярҙамында “Әбйәлил йәштәре” ижтимағи хәрәкәте – “Йәштәр – айыҡ Рәсәй өсөн!” Бөтә Рәсәй ижтимағи хәрәкәтенең республика бүлексәһе сығыш яһаны.

Бынан алдағы сара “йәшел йылан”ға ҡаршы көрәшкә йүнәлтелгәйне. Был юлы ойоштороусылар ғаилә тәрбиәһе мәсьәләләренә күберәк иғтибар бирҙе.

— Кешенең характеры һәм ғәҙәттәре тап ғаиләлә формалаша, – тип һөйләй был осрашыуҙа ҡатнашыусы Ләйсән Ялмурзина. – Бала өсөн ата-әсә өлгөһө бик мөһим. Мин үҙем эсмәйем, тартмайым, наркотиктар ҙа ҡулланмайым. Тап шуға күрә беҙҙең ғаиләлә барыһы ла сәләмәт йәшәү рәүеше алып бара.

Сараның форматын ойоштороусылар ток-шоу булараҡ билдәләне. Уның программаһында — табиптар лекциялары, музыкаль һәм хореографик номерҙар, алкоголдең зыяны тураһында видеороликтар күрһәтеү, викториналар, залдағы тамашасылар менән интерактив эш.

Ток-шоу аудиторияһы – өлкән класс уҡыусылары һәм студенттар. Сара ике телдә – рус һәм башҡорт телендә үткәрелде.

Ойоштороусылар, тәүге сараға килеүселәрҙең күбеһе был юлы ла килде, тип билдәләй. Был бик мөһим — йәш әбйәлилдәр хәрәкәтте дөйөм республика хәрәкәте итеп яһарға һәм уның сафына йәштәрҙең төрлө ҡатламдарын йәлеп итергә ынтыла.

1 из 20

#йәштәр #сәләмәт йәшәү рәүеше

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.