Башҡортостан һәм Өфө яңылыҡтары
87.04
-2.01
93.3
-2.09
85.07
-0.26
27+ °C
Ясна
Бөтә яңылыҡтар
Йәмғиәт
17 Март 2010, 13:38

Санитар бюллетендар конкурсы үткәрелә

Башҡортостан Республикаһының Һаулыҡ һаҡлау министрлығы 2010 йылдың 1 апреленән 7 июненә тиклем үҙ ведомствоһындағы дауалау-профилактика учреждениелары, санаторийҙар, белем биреү учреждениелары араһында республика санитар бюллетендар смотр-конкурсы үткәрә. Ижади ярыш Республика йылына арнала һәм Бөтә донъя һаулыҡ көнө алдынан үткәрелә, быйыл уның темаһы – «Урбанизация һәм һаулыҡ».
БР Һаулыҡ һаҡлау министрлығы матбуғат хеҙмәтенән хәбәр итеүҙәренсә, конкурс халыҡтың хәбәрҙарлыҡ кимәлен күтәреү, һаулыҡты һаҡлау һәм нығытыу, сәләмәт йәшәү рәүеше тәрбиәләү маҡсаттарында үткәрелә.
Түбәндәге номинациялар иғлан ителде: «Сәләмәт йәшәү рәүеше», «Урбанизация һәм һаулыҡ», «Һаулыҡ» өҫтөнлөклө милли проекты», «Йоғошһоҙ ауырыуҙарҙы профилактикалау», «Йоғошло ауырыуҙарҙы профилактикалау», «Сәләмәт милләт – көслө Башҡортостан».
Конкурстың йомғаҡлау этабы Башҡортостан медицина профилактикаһы үҙәгендә үтәсәк.
Автор:Елена Макушина
Читайте нас: