Четверг, 30 Апреля 2026

Уфа

+8 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

11:31 (UTC+5), 11 Марта 2010

Раил Сарбаев: башҡа райондарҙағы ҡаты сирлеләргә юғары технологиялы медицина яҡыная

Елена Макушина | фото: Олег Яровиков

Уҙған йылдың ноябрендә Башҡортостан Республикаһы Хөкүмәте менән һатып алынған вертолет республиканың санитар авиацияһында хеҙмәт юлын башланы. 11 мартта санитар авиация программаһы буйынса тәүге рейс башҡарылды. Инсульт үткәргән пациент Дәүләкәндән Өфөгә килтерелде.

БР Хөкүмәте Премьер-министры Раил Сарбаевтың элегерәк билдәләүенсә, ВК-117 вертолеты бәләкәй авиацияның европа стандарттарына тулыһынса яуап бирә һәм Германияла авиамедицинала төп модель урынына файҙаланыла.

— Был вертолет юғары технологиялы медицина ярҙамын башҡа райондарҙағы ҡаты сирлеләргә яҡынайтырға мөмкинлек бирәсәк. Республикабыҙҙағы бәләкәй авиация үҫешендә тәүге аҙым был, — тине Раил Сәлих улы.

Германияла сығарылған, санитар авиация өсөн йыһазландырылған ВK-117 вертолеты 550 километр алыҫлыҡҡа оса, тимәк, республика территорияһының күп өлөшөн хеҙмәтләндерә аласаҡ.

Транспортировкалау ярамаған ҡаты сирлеләрҙе йөрөтөү өсөн әҙерләнгән пассажир кабинаһы махсус ҡорамалдар, пациенттарҙы һәм медицина персоналын урынлаштырыу өсөн һигеҙ төрлө конфигурацияла ҡулланыла ала.

Башҡортостанда санитар авиацияһы ауыр сирлеләрҙе күсереү өсөн йыл һайын 100-гә яҡын осош яһай. Бының өсөн АН-2 самолеттары һәм вертолеттар файҙаланыла. Яңы төрҙәге вертолет һатып алғандан һуң ҡаты сирлеләрҙе йөрөтөү уңайлаша – кабина ҙурлығы медицина процедуралары, хатта осоу барышында операциялар башҡарыуға ла мөмкинлек бирә.

Махсус медицина ҡорамалдар комплектына кислород баллондары, наркоз-тын алыу техникаһы, дефибрилляторҙар, башҡа төрлө реанимацион апаратура ла инә.

Пациентты дауаханаға еткереү ваҡытын ҡыҫҡартыу өсөн Өфө сиктәрендә өс вертолет майҙансығы билдәләнгән: Конгресс-Холл алдында, «Аҡбуҙат» ипподромында һәм өсөнсөһө – Дәүләт циркы районында.

Вертолеттың был моделен эҙләү-ҡотҡарыу операцияларында ла файҙаланырға мөмкин. Күсермәле ишектең һул яҡ уйымында 270 килограмм ауырлыҡ күтәрергә һәләтле әйләнмәле сығыр ҡуйылған. Сығыр ярҙамында вертолет бортына еүеш кейемдәге ике кешене күтәрергә мөмкин (ҡотҡарыусы һәм ҡаза күреүсене).

Һәм бөгөн көндөҙгө 12-лә Конгресс-холл алдындағы майҙанға вертолет ултырҙы. Санитар авиация яңыраҡ ҡына инсульт үткәргән 40 йәшлек ҡатынды алып килде. Ҡыуатов исемендәге республика клиник дауахана белгестәре менән кәңәшләшкәндән һуң уны Өфөлә дауаланырға ҡалдырҙылар. Әле уның сәләмәтлек торошо уртаса ауырлыҡта тип баһалана. Һауала осоу 40 минут ваҡытты алған.

Конгресс-холл алдында санавиация вертолетын Ҡыуатов исемендәге республика клиник дауаханаһының реанимобиле һәм реанимация бүлеге мөдире Константин Золотухин етәкселегендәге медиктар төркөмө менән реанимация бүлегенең ике хеҙмәткәре ҡаршыланы.

—Тиҙ медицина ярҙамы, юғары квалификациялы тикшеренеү талап ителгәндә, бигерәк тә мейегә ҡан һауғанда, инфарктта санитар авиация кәрәк, — тине Золотухин.

1 из 8

#һаулыҡ һаҡлау #санитар авиация

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.