Екатеринбургта Башҡорт мәҙәниәте фестивале үтте

Әлфиә Әһлиуллина

Екатеринбургта Башҡорт мәҙәниәте фестивале үтте. Республиканың мәҙәниәт оҫталары һәм Екатеринбургтың һәүәҫкәр артистары ҡатнашлығындағы сара Свердловск дәүләт өлкә халыҡ ижады һарайының Ҙур залында үтте һәм Бөйөк Еңеүҙең 65 йыллығына һәм Екатеринбург ҡалаһының “Йәдкәр” башҡорт театр коллективы ижади эшмәкәрлегенең 10 йыллығына арналды.

Башҡортостандан фестивалдә Рәсәйҙең атҡаҙанған артисы, Башҡортостандың халыҡ артисы ҡурайсы Азат Айытҡолов, йырсы Харис Шәрипов һәм Республика халыҡ ижады үҙәгенең төбәк-ара бәйләнештәр бүлеге начальнигы Зәлифә Барлыбаева ҡатнашты.

Әйткәндәй, Зәлифә Барлыбаева концерт программаһын ойоштороуҙа методик һәм режиссерлыҡ ярҙамы күрһәтте. Ул тағы ла бер мөһим миссия башҡарҙы: Башҡортостан Республикаһы Хөкүмәте Премьер-министры урынбаҫары, мәҙәниәт һәм милли сәйәсәт министры Илдус Илешев исеменән “Йәдкәр” коллективы етәксеһе Фәймә Йосоповаға милли традицияларҙы һаҡлауға һәм үҫтереүгә ҙур өлөш индергәне өсөн Хөрмәт грамотаһы тапшырҙы.

Фәймә Йосопованың хеҙмәте Свердловск өлкәһе етәкселеге тарафынан да билдәләнде. Уны Свердловск өлкәһенең Мәҙәниәт һәм туризм министрлығы вәкиле, Халыҡ ижады һәм милли мәҙәниәттәр үҙәге директоры Ирина Качесова, Свердловск өлкәһенең Закондар сығарыу Йыйылышы Өлкә Думаһы депутаты ярҙамсыһы Фәүиә Сафиуллина ла ҡотланы.

Үҙ сиратында “Йәдкәр” коллективы, Екатеринбургтың башҡа һәүәҫкәр ансамблдәрендә ҡатнашыусылар фестиваль ҡунаҡтарына башҡорт бейеүҙәренән, йырҙарынан, спектаклдәрҙән өҙөктәрҙән торған ҙур концерт программаһы күрһәтте.

#төбәктәрҙә башҡорттар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.