Иң яҡшы бейеүселәр һайлап алынасаҡ

Эльмира Сабирова

28 февралдә Конгресс-холда хәҙерге заман бейеү йүнәлештәре буйынса I Башҡортостан чемпионаты үтәсәк. Унда ҡатнашыу өсөн республика баш ҡалаһына иң көслө бейеүселәр һәм хореографтар йыйыласаҡ. БР Йәштәр сәйәсәте, спорт һәм туризм министрлығынан хәбәр итеүҙәренсә, Волга буйы федераль округы ярыштарында, һуңынан Рәсәй һәм халыҡ-ара турнирҙарҙа чемпион исемен яулау өсөн һәм Башҡортостан намыҫын яҡлап 40 бейеү коллективы көрәшәсәк. Еңеүселәр яңғыҙ номинацияла, парҙар һәм коллективтар араһында билдәләнәсәк.

Чемпионатта ҡатнашыусылар халыҡ бейеүе, бейеү шоуы, классик бейеү, тарихи-көнкүреш бейеүе, мажоретка, твирлинг, черлидинг, джаз, модерн, диско, степ, бал бейеүҙәре ансамблдәре, социаль пар бейеүҙәре, хип-хоп, стрит-шоу, электрик буги, хаус, тектоник, belly dance кеүек бейеү дисциплиналарында ярышасаҡ.

Ҡатнашыусыларҙың йәш категориялары түбәндәгесә: «бэби» кескәйҙәр төркөмө (алты йәш һәм унан кесерәктәр), балалар (7-11 йәш), үҫмерҙәр (12-15 йәш), өлкәндәр (16 йәш һәм унан өлкәнерәктәр).

Конкурсанттарҙың сығыштары башҡарыу техникаһы буйынса баһаланасаҡ — был синхронлыҡ, аныҡлыҡ, ҡатмарлылыҡ кимәле, ритм. Икенсе критерий — композиция (хореография). Үҙенсәлекле костюм, оҫта макияж, сифатлы декорациялар, тамашасы менән контакт — бейеү номерын баһалағанда былар барыһы ла шулай уҡ мөһим.

Әйтергә кәрәк, төбәктә чемпионат кимәлендәге бындай турнир тәүге тапҡыр үткәрелә, былтыр ноябрҙә үткәрелгән хәҙерге заман хореографияһы буйынса I асыҡ Башҡортостан Кубогы уның алдындағы этап булды.

Чемпионатты ойоштороусылар — БР Йәштәр сәйәсәте, спорт һәм туризм, Мәҙәниәт һәм милли сәйәсәт министрлыҡтары ярҙамында БР Хәҙерге заман һәм эстрада бейеүҙәре федерацияһы.

#конкурстар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.